________________
तेरसमं अज्झयणं (परकिरिया-ससिक्कयं)
२१६ ३३. से से परो कार्यसि गंडं वा', 'अरइयं वा, पिडयं वा', भगंदलं वा अण्णयरेणं
सत्थ-जाएणं अच्छिदेज्ज वा, विच्छिदेज्ज वा–णो तं साइए, जो तं णियमे ।। ३४. से से परो कायंसि गंडं वा, अरइयं वा, पिडयं वा, भगंदलं वा अण्णयरेणं
सत्थजाएणं अच्छिदित्ता वा, विच्छिदित्ता वा पूयं वा, सोणियं वा गोहरेज्ज
वा, विसोहेज्ज वा~णो तं साइए, णो तं णियमे ।। मल-णीहरण-पदं ३५. से से परो कायाओ सेयं वा, जल्लं वा णीहरेज्ज वा, विसोहेज्ज वा-णो तं
साइए, णो तं णियमे ।। ३६. से से परो अच्छिमलं वा, कण्णमलं वा, दंतमलं वा, णहमलं वा णीहरेज्ज वा,
विसोहेज्ज वा-णो तं साइए, णो तं णियमे ।। वाल-रोम-पदं ३७ से से परो दीहाई वालाई, दोहाई रोमाइं, दीहाई भमुहाई, दीहाई कक्खरोमाई,
दीहाइं वत्थिरोमाइं कप्पेज्ज वा, संठवेज्ज वा–णो तं साइए, णो तं णियमे ।। लिक्ख-जूया-पदं ३८. से से परो सीसाओ लिक्खं वा, जूयं वा णीहरेज्ज वा, विसोहेज्ज वाणो तं
साइए, णो तं णियमे ।। पाद-परिकम्म-पदं ३६. से से परो अंकसि वा, पलियंकसि वा तुयट्टावेत्ता पादाइं आमज्जेज्ज वा,
पमज्जेज्ज वा-~णो तं साइए, णो तं णियमे ॥ ४०. "से से परो अंकसि वा, पलियंकसि वा तुयट्टावेत्ता पादाइं संवाहेज्ज वा,
पलिमद्देज्ज वा-~णो तं साइए, णों तं णियमे ॥ ४१. से से परो अंकसि वा, पलियंकसि वा तुयट्टावेत्ता पादाई फूमेज्ज वा, रएज्ज
वा-णो तं साइए, णो तं णियमे ।। ४२. से से परो अंकसि वा, पलियंकसि वा तुयट्टावेत्ता पादाइं तेल्लेण वा घएण वा,
वसाए वा मक्खेज्ज वा, भिलिगेज्ज वा–णो तं साइए, णो तं णियमे ॥ ४३. से से परो अंकसि वा, पलियंकसि वा तुयट्टावेत्ता पादाइं लोद्धेण वा, कक्केण था,
चण्णेण वा, वण्णेण वा उल्लोलेज्ज वा, उव्वलेज्ज वा-णो तं साइए, णो तं णियमे ॥
१. सं० पा०-गड वा जाव भगंदलं। २. संबद्धज्ज (च); संवज्जेज्ज (छ) 1
३. सं० पा०--एवं हिट्रिमो गमो पायादि
भाणियग्यो।
Jain Education International
For Private & Personal Use Only
www.jainelibrary.org
