________________
तेरसमं अज्झयणं परकिरिया-सत्तिक्कयं
किरिया-पदं
१. परकिरियं अज्झत्थियं संसेसियं-णो तं साइए', णो तं णियमे ।। पाद-परिकम्म-पदं २. 'से से" परो पादाई आमज्जेज्ज वा, ‘पमज्जेज्ज वा'-णो तं साइए, णो तं
णियमे ।। ३. से से परो पादाइं संवाहेज्ज वा, पलिमद्देज्ज वा -- णो तं साइए, जो तं णियमे ।। ४. से से परो पादाई फूमेज्ज वा, रएज्ज वा–णो तं साइए, णो तं णियमे ।। ५. से से परो पादाइं तेल्लेण वा, घएण वा, वसाए वा मक्खेज्ज वा, भिलिंगेज्ज
वा–णो तं साइए, णो तं णियमे ॥ ६. से से परो पादाइं लोद्धण वा, कक्केण वा, चुण्णण वा, वण्णेण वा उल्लोलेज्ज
वा, उव्वलेज्ज वाणो तं साइए, णो तं णियमे ।। ७. से से परो पादाइं सीओदग-वियडेण वा, उसिणोदग-वियडेण वा उच्छोलेज्ज
वा, पधोएज्ज वा–णो तं साइए, गो तं णियमे ॥ ८. से से परो पादाइं अण्णयरेण विलेवण-जाएण आलिपेज्ज वा, विलिपेज्ज वा
णो तं साइए, णो तं णियमे ।। ६. से से परो पादाई अण्णयरेण धूवण-जाएण धूवेज्ज वा, पधूवेज्ज वा-णो तं
साइए, णो तं णियमे ।।
१. सायए (घ)। २. सिया से (क, घ, च) सर्वत्र । ३. x (अ, क, च, छ, ब)।
४. निशीथे सर्वत्रापि 'तेल्लेण वा, घएण वा,
वसाए वा, णवणीएण वा' इति पाठो विद्यते । ५. भिलं ' (छ)।
२१६
Jain Education International
For Private & Personal Use Only
www.jainelibrary.org
