________________
बारसमं अज्झयणं (रूव-सत्तिक्कयं)
तंति-तल-ताल-तुडिय-पडुप्पवाइय-ट्ठाणाणि वा, अण्णयराई वा तहप्पगाराई
विरूवरूवाई रूवाइं चक्खुदंसण-पडियाए णो अभिसंधारेज्जा गमणाए । १२. से भिक्खू वा भिक्खुणी वा अहावेगइयाई रूवाइं पासइ तं जहा—कलहाणि
वा, डिबाणि वा, डमराणि वा, दोरज्जाणि वा, वे रज्जाणि वा, विरुद्ध रज्जाणि वा, अण्णय राई वा तहप्पगाराई विरूवरूवाई रूवाइं चक्खुदंसण-पडियाए णो
अभिसंधारेज्जा गमणाए। १३. से भिक्खू वा भिक्खुणी वा अहावेगइयाई रूवाइं पासइ, तं जहा-खुड्डियं
दारियं परिवुतं मंडियालंकियं निवुज्झमाणि पेहाए, एगं पुरिसं वा वहाए गोणिज्जमाणं पेहाए, अण्णयराई वा तहप्पगाराई विरूवरूवाई रूवाई चक्खुदंसण-पडियाए णो अभिसंधारेज्जा गमणाए॥ से भिक्ख वा भिक्खणी वा अण्णयराई विरूवरूवाई महासवाई एवं जाणेज्जा, तं जहा-बहुसगडाणि वा, बहुरहाणि वा, बहुमिलक्खूणि वा, बहुपच्चंताणि वा, अण्णयराइं वा तहप्पगाराई विरूवरूवाई महासवाई चखुदंसण-पडियाए
णो अभिसंधारेज्जा गमणाए । १५. से भिक्खू वा भिक्खुणी वा अण्णयराइं विरूवरूवाई महस्सवाइं एवं जाणेज्जा,
तं जहा-इत्थीणि वा, पुरिसाणि वा, थेराणि वा, डहराणि वा, मज्झिमाणि वा, आभरण-विभूसियाणि वा, गायंताणि वा, वायंताणि वा, णचंताणि वा, हसंतापिा वा, रमंताणि वा, मोहंताणि, वा विउलं असणं पाणं खाइमं साइमं परिभुजंताणि वा, परिभाईताणि वा, विच्छड्डियमाणाणि वा, विगोवयमाणाणि वा, अण्णय राई वा तहप्पगाराई विरूवरूवाई महुस्सवाइं चक्खुदंसण-पडियाए
णो अभिसंधारेज्जा गमणाए। स्वासत्ति-पदं १६. से भिक्खू वा भिक्खुणी वा णो इहलोइएहि रूवेहि, णो परलोइएहिं रूवेहि, णो
सुएहिं रूवेहि, गो असुएहि रूवेहि, गो दिद्वेहिं रूवेहि, णो अदिद्वेहि रूवेहि, णो इटेहिं रूवेहिं, णो कतेहिं रूवेहिं सज्जेज्जा, णो रज्जेज्जा, णो गिज्झज्जा, णो
मुज्झज्जा, णो अज्झोववज्जेज्जा ।। १७. एयं खलु तस्स भिक्खुस्स वा भिक्खुणोए वा सामग्गियं जं सवढेहिं समिए सहिए सया जएज्जासि ।
—त्ति बेमि॥
Jain Education International
For Private & Personal Use Only
www.jainelibrary.org
