Page Text
________________
१४८
आयारचूला
दा, पणिय-गिहाणि वा, पणिय-सालाओवा, जाण-गिहाणि वा, जाण-सालाओ वा, सुहा-कम्मंताणि वा, दब्भ-कम्मंताणि वा, बद्ध-कम्मंताणि वा, वक्क-कमताणि वा, वण-कम्मंताणि वा, इंगाल-कम्मंताणि वा, कट्ठ-कम्मंताणि वा, सुसाण-कम्मताणि वा, संति-कम्मंताणि वा, गिरि-कम्मंताणि वा, कंदर-कम्मताणि वा, सेलोवट्ठाण-कम्मंताणि वा°, भवणगिहाणि वा णो बाहाओ पगिज्झिय-पगिज्झिय, अंगुलियाए उद्दिसिय-उद्दिसिय, ओणमिय-ओणमिय,
उण्णमिय-उण्णमिय णिज्झाएज्जा, तओ संजयामेव गामाणुगामं दूइज्जेज्जा ॥ ४८. से भिक्खू वा भिक्खुणी वा गामाणुगामं दूइज्जमाणे अंतरा से कच्छाणि वा
दवियाणि वा, णूमाणि वा, वलयाणि वा, गहणाणि वा, गहण-विदुग्गाणि वा, वणाणि वा, वण-विदुग्गाणि वा, पव्वयाणि वा, पव्वय-विदुग्गाणि वा, अगडाणि वा, तलागाणि वा, दहाणि वा, णदीओ वा, वावीओ वा, पोक्खरिणीओ वा, दीहियाओ वा, गुंजालियाओ वा, सराणि वा, सर-पंतियाणि वा, सर-सरपंतियाणि वा णो बाहाओ पगिभिय-पगिझिय', 'अंगुलियाए उद्दिसियउद्दिसिय, ओणमिय-ओणमिय, उण्णमिय-उण्णमिय, णिज्झाएज्जा, तओ
संजयामेव गामाणुगामं दूइज्जेज्जा ! ४६. केवली बूया आयाणमेयं--जे तत्थ मिगा वा, पसुया वा, पक्खी वा सरीसिवा'
वा, सीहा वा, जलचरा वा, थलचरा वा, खहचरा वा सत्ता, ते उत्तसेज्ज वा, वित्तसेज्ज वा, वाडं वा सरणं वा कखेज्जा । चारे त्ति मे अयं समणे । अह भिक्खणं पुवोवदिट्ठा' 'एस पइण्णा, एस हेऊ, एस कारणं, एस उवएसो, जं जो बाहाओ पगिज्झिय-पगिज्झिय', 'अंगुलियाए उद्दिसिय-उद्दिसिय, ओणमिय-ओणमिय, उण्ण मिय-उण्णमिय°, णिज्झाएज्जा, तओ संजयामेव
आयरिय-उवज्झाएहिं सद्धि गामाणुगामं दूइज्जेज्जा ।। आयरिय-उवज्झाय-सद्धि-विहार-पदं ५०. से भिक्ख वा भिक्खुणी वा आयरिय-उवज्झाएहिं सद्धि गामाणुगामं दूइज्जमाणे
णो आयरिय-उवज्झायस्स हत्थेण हत्थं', 'पाएण पायं, कारण काय आसाएज्जा । से ° अणासायमाणे तओ संजयामेव आयरिय-उवज्झाएहि सद्धि
गामाणुगाम दूइज्जेज्जा ।। ५१. से भिक्खू वा भिक्खुणी वा आयरिय-उवज्झाएहिं सद्धि दूइज्जमाणे अंतरा से
१. सं. पा.--पगिझिय जाव णिज्झाएज्जा। ४. सं० पा०—पुव्वोवदिट्टा जाव । २. पसू (अ)।
५. सं० पा०—पगिझिय जाव णिज्झाएज्जा। ३. सिरीसिवा (अ, घ, च)।
६, स० पा०-हत्थं जाव अणासायमाणे।
Jain Education International
For Private & Personal Use Only
www.jainelibrary.org
| SR No. | 003557 |
| Book Title | Agam 01 Ang 01 Acharang Sutra Aayaro Terapanth |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 381 |
| Language | Prakrit |
| Classification | Book_Devnagari, Agam, Canon, & agam_acharang |
| File Size | 6 MB |