________________
आयारचूला
३७. अह पुणेवं जाणेज्जा-पारए सिया उदगाओ तीरं पाउणित्तए तओ संजयामेव
उदउल्लेण वा ससणिद्धेण' वा कारण दगतीरए' चिट्ठज्जा ॥ ३८. से भिक्खू वा भिक्खुणी वा उदउल्लं वा कायं, ससणिद्धं वा कायं णो आमज्जेज्ज
वा पमज्जेज्ज वा ॥ ३६. अह पुणेवं जाणेज्जा-विगतोदए मे काए, छिण्णसिणेहे मे काए, तहप्पगारं
कायं आमज्जेज्ज वा पमज्जेज्ज वा संलिहेज्ज वा णिल्लिहेज्ज वा उव्वलेज्ज वा उबट्टेज्ज वा आयावेज्ज वा पयावेज्ज वा, तओ संजयामेव गामाणुगाम दूइज्जेज्जा ।। से भिक्खू वा भिक्खुणी वा गामाणुगामं दूइज्जमाणे णो मट्टियामएहिं पाएहिं हरियाणि छिदिय-छिदिय, विकुज्जिय-विकुज्जिय, विफालिय-विफालिय, उम्मग्गेणं हरिय-वहाए गच्छेज्जा । “जहेयं पाएहिं मट्टियं खिप्पामेव हरियाणि अवहरंतु" ! माइट्ठाणं संफासे, णो एवं करेज्जा। से पुवामेव अप्पहरियं मग्गं पडिलेहेज्जा, तओ संजयामेव गामाणुगामं
दूइज्जेज्जा। विसमट्ठाण-परक्कम-पदं ४१. से भिक्खू वा भिक्खुणी वा गामाणुगामं दूइज्जमाणे अंतरा से वप्पाणि वा,
फलिहाणि वा, पागाराणि वा, तोरणाणि वा, अग्गलाणि वा, अग्गल-पासमाणि वा, गड्डाओ वा, दरीओ वा। सइ परक्कमे संजयामेव परक्कमेज्जा, णो उज्जुयं
गच्छेज्जा ।। ४२. केवली बूया आयाणमेयं से तत्थ परक्कममाणे पयलेज्ज वा पवडेज्ज वा । से
तत्थ पयलमाणे वा पवडमाणे वा रुक्खाणि वा, गुच्छाणि वा, गुम्माणि वा, लयाओ वा, वल्लीओ वा, तणाणि वा गहणाणि वा, हरियाणि वा, अवलंबियअवलंबिय उत्तरेज्जा', जे तत्थ पाडिपहिया' उवागच्छंति, ते पाणी जाएज्जा,
तओ संजयामेव अवलंबिय-अवलंबिय उत्तरेज्जा , तओ गामाणुगामं दुइज्जेज्जा।। ४३. से भिक्खू वा भिक्खुणी वा गामाणुगाम दूइज्जमाणे अंतरा से जवसाणि वा,
सगडाणि वा, रहाणि वा, सचक्काणि वा, परचक्काणि वा, सेणं वा विरूवरूवं सणिविटुं पेहाए, सइ परक्कमे संजयामेव परक्कमेज्जा, णो उज्जुयं गच्छज्जा ॥
१. समिणिद्धेण (च)।
६. पाडिवधेया (क); पाडिवाहेया (घ); पाडि२. उदगतीरए (घ)।
पडिया (छ)। ३. सं० पा०-आमज्जेज्ज वा जाव पयावेज्ज। ७. उत्तारेज्जा (अ)। ४. जमेतं (छ) 1
८. सणिरुद्धं (ब)। ५. उत्तारेज्जा (अ)।
Jain Education International
For Private & Personal Use Only
www.jainelibrary.org
