________________
८०२
निसीहज्झयणं
६४. जे भिक्खू वत्थाओ आउकायं णीहरति, णीहरावेति, णीहरियं आहट्ट देज्जमाणं
पडिग्गाहेति, पडिग्गाहेंतं वा सातिज्जति ॥ ६५. जे भिक्खू वत्थाओ तेउक्कायं णीहरति, णीहरावेति, णीहरियं आहट्ट देज्जमाणं
पडिग्गाहेति, पडिग्गाहेंतं वा सातिज्जति ।। ६६. जे भिक्ख वत्थाओ कंदाणि वा मूलाणि वा पत्ताणि वा पुप्फाणि वा फलाणि
वा बीजाणि वा णीहरति, णीहरावेति, णीहरियं आहट्ट देज्जमाणं पडिग्गाहेति,
पडिग्गाहेंतं वा सातिज्जति ॥ ६७. जे भिक्खू वत्थओ ओस हिबीयाइं णीहरति, णीहरावेति, णीहरियं आहट्ट
देज्जमाणं पडिग्गाहेति, पडिग्गाहेंतं वा सातिज्जति ॥ ६८. जे भिक्खू वत्थाओ तसपाणजाति णीहरति, णीहरावेति, णीहरियं आहट्ट
देज्जमाणं पडिग्गाहेति, पडिग्गाहेंतं वा सातिज्जति ।। ६६. जे भिक्खू वत्थं निक्कोरेति, निक्कोरावेति, निक्कोरियं आहटु देज्जमाणं
पडिग्गाहेति, पडिग्गाहेंतं वा सातिज्जति ॥ ७०. जे भिक्खू णायगं वा अणायगं वा उवासगं वा अणवासगं वा-गामंतरंसि वा
गामपहंतरंसि वा वत्थं ओभासिय-ओभासिय जायति, जायंतं वा सातिज्जति ॥ ७१. जे भिक्खू णायगं वा अणायगं वा उवासगं वा अणुवासगं वा परिसामझाओ
उद्ववेत्ता वत्थं ओभासिय-ओभासिय जायति, जायंतं वा सातिज्जति ॥ ७२. जे भिक्खू वत्थणीसाए उडुबद्धं वसति, वसंतं वा सातिज्जति ॥ ७३. जे भिक्खू वत्थणीसाए वासावासं वसति, वसंतं वा सातिज्जति -
तं सेवमाणे आवज्जइ चाउम्मासियं परिहारट्ठाणं उग्घातियं ॥
Jain Education International
For Private & Personal Use Only
www.jainelibrary.org
