Page Text
________________
सत्तरसमो उद्देसो
६२. जे निग्गंथे निग्गंथीए कायंसि गंडं वा पिडयं वा अरइयं वा असियं वा भगंदलं वा अण्णउत्थि एण वा गारत्थिएण वा अण्णयरेणं तिक्खेणं सत्थजाएणं अच्छिदावेत्ता वा विच्छिदावेत्ता वा पूयं वा सोणियं वा णीहरावेत्ता वा विसोहावेत्ता वा सीओदगवियडेण वा उसिणोदग - वियडेण वा उच्छोलावेत्ता वा पधोवावेत्ता वा अण्णयरेणं आलवणजाएणं आलिंपावेत्ता वा विलिंपावेत्ता वा तेल्लेण वा घएण वा वसाए वा णवणीण वा अब्भंगावेत्ता वा मक्खावेत्ता वा अण्णयरेणं आलेवणजाएणं धूवावेज्ज वा पधूवावेज्ज वा, धूवावेंतं वा पधूवावेतं वा सातिज्जति ॥
७८६
किमि पदं
६३. जे निग्गंथे निग्गंथीए पालुकिमियं वा कुच्छि किमियं वा अण्णउत्थिएण वा गारत्थि - एण वा अंगुलीए णिवेसाविय णिवेसाविय णीहरावेति णीहरावेंतं वा सातिज्जति ॥ ह - सिहा-पदं
९४. जे निग्गंथे निग्गंथीए दीहाओ णह - सिहाओ अण्णउत्थिएण वा गारत्थिएण वा कप्पा वेज्ज वा संठवावेज्ज वा, कप्पावेंतं वा संठवावेंतं वा सातिज्जति ॥ वीह-रोम-पदं
६५. जे निग्गंथे निग्गंथीए दीहाई जंघ - रोमाई अण्णउत्थिएण वा गारत्थि एण वा कप्पा वेज्ज वा संठवावेज्ज वा, कप्पावेंतं वा संठवावेतं वा सातिज्ञ्जति ॥
६६. जे निग्गंथे निग्गंथीए दीहाई वत्थि - रोमाई अण्णउत्थिएण वा गारत्थिएण वा कप्पवेज्ज वा संठवावेज्ज वा, कप्पावेंतं वा संठवावेंतं वा सातिज्जति ॥
६७. जे निग्गंथे निग्गंथीए दीह-रोमाई अण्णउत्थिएण वा गारत्थिएण वा कप्पावेज्ज वा संठवावेज्ज वा, कप्पावेंतं वा संठवावेंतं वा सातिज्जति ॥
६८. जे निग्गंथे निग्गंथीए दीहाई कक्खाण - रोमाई अण्णउत्थिएण वा गारत्थिएण वा कप्पा वेज्ज वा संठवावेज्ज वा, कप्पावेंतं वा संठवावेंतं वा सातिज्जति ॥ ६६. जे निग्गंथे निग्गंथीए दीहाई मंसु-रोमाई अण्णउत्थिएण वा गारथिएण वा कप्पा वेज्ज वा संठवावेज्ज वा, कप्पावेंतं वा संठवावेंतं वा सातिज्जति ॥
दंत - पर्व
१००. जे निग्गंथे निग्गंथीए दंते अण्णउत्थिएण वा गारत्थिएण वा आघंसावेज्ज वा पघंस वेज्ज वा, आघंसावेंतं वा पघंसावेंतं वा सातिज्जति ॥
१०१. जे निग्गंथे निग्गंथीए दंते अण्णउत्थिएण वा गारत्थि एण वा उच्छोलावेज्ज वा पधोवावेज्ज वा, उच्छोलावेंतं वा पधोवावेंतं वा सातिज्जति ॥
१०२. जे निग्गंथे निग्गंथीए दंते अण्णउत्थिएण वा गारत्थि एण वा फुमा वेज्ज वा रयावज्ज वा, फुमातं वा रयावेंतं वा सातिज्जति ॥
Jain Education International
For Private & Personal Use Only
www.jainelibrary.org
| SR No. | 003556 |
| Book Title | Navsuttani |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 2000 |
| Total Pages | 1316 |
| Language | Prakrit |
| Classification | Book_Devnagari, Agam, & Canon |
| File Size | 29 MB |