Page Text
________________
७८८
निसीहज्झयणं
८४. जे निग्गंथे निग्गंथीए कायंसि वणं अण्णउत्थिाएण वा गारथिएण वा लोद्धेण वा
कक्केण वा चण्णेण वा वण्णण वा उल्लोलावेज्ज वा उव्वद्रावेज्ज वा, उल्लोलावेंतं
वा उव्वट्टावेंतं वा सातिज्जति ॥ ८५. जे निग्गंथे निग्गंथीए कायंसि वणं अण्णउत्थिएण वा गारत्थिएण वा सीओदग
वियडेण वा उसिणोदग-वियडेण वा उच्छोलावेज्ज वा पधोवावेज्ज वा, उच्छोलावेंतं
वा पधोवावेंतं वा सातिज्जति ॥ ८६. जे निग्गंथे निग्गंथीए कायंसि वणं अण्णउथिएण वा गारथिएण वा फुमावेज्ज वा
रयावेज्ज वा, फुमावेंतं वा रयावेतं वा सातिज्जति ॥ गंडादि-परिकम्म-पदं ८७. जे निग्गंथे निग्गंथीए कायंसि गंडं वा पिडयं वा अरइयं वा असियं वा भगंदलं वा
अण्णउत्थिएण वा गारथिएण वा अण्णयरेणं तिक्खेणं सत्थजाएणं अच्छिदावेज्ज
वा विच्छिदावेज्ज वा, अच्छिदावेंतं वा विच्छिदावेंतं वा सातिज्जति ॥ ८८. जे निग्गंथे निग्गंथीए कायंसि गंडं वा पिडयं वा अरइयं वा असियं वा भगंदलं वा
अण्णउत्थिएण वा गारथिएण वा अण्णयरेणं तिक्खेणं सत्थजाएणं अच्छिदावेत्ता वा विच्छिदावेत्ता वा पूर्व वा सोणियं वा णीहरावेज्ज वा विसोहावेज्ज वा, णीहरावेतं
वा विसोहावेंतं वा सातिज्जति ।। ८६. जे निग्गंथे निग्गंथीए कायंसि गंडं वा पिडयं वा अरइयं वा असियं वा भगंदलं वा
अण्णउत्थिएण वा गारथिएण वा अण्णयरेणं तिक्खेणं सत्थजाएणं अच्छिदावेत्ता वा विच्छिदावेत्ता वा पूर्व वा सोणियं वा णीहरावेत्ता वा विसोहावेत्ता वा सीओदगवियडेण वा उसिणोदग-वियडेण वा उच्छोलावेज्ज वा पधोवावेज्ज वा, उच्छोलावेंतं
वा पधोवावेंतं वा सातिज्जति ॥ ६०. जे निग्गंथे निग्गंथीए कायंसि गंडं वा पिडयं वा अरइयं वा असियं वा भगंदलं वा
अण्णउत्थिएण वा गारथिएण वा अण्णयरेणं तिक्खणं सत्थजाएणं अच्छिदावेत्ता वा विच्छिदावेत्ता वा पूयं वा सोणियं वा णीहरावेत्ता वा विसोहावेत्ता वा सीओदगवियडेण वा उसिणोदग-वियडेण वा उच्छोलावेत्ता वा पधोवावेत्ता वा अण्णयरेणं आलेवणजाएणं आलिंपावेज्ज वा विलिंपावेज्ज वा, आलिंपावेंतं वा विलिंपावेतं वा
सातिज्जति ॥ ६१. जे निग्गंथे निग्गंथीए कायंसि गंडं वा पिडयं वा अरइयं वा असियं वा भगंदलं वा
अण्णउत्थिएण वा गारत्थिरण वा अण्णयरेणं तिक्खेणं सत्थजाएणं अच्छिदावेत्ता वा विच्छिदावेत्ता वा पूर्व वा सोणियं वा णीहरावेत्ता वा विसोहावेत्ता वा सीओदगवियडेण वा उसिणोदग-वियडेण वा उच्छोलावेत्ता वा पधोवावेत्ता वा अण्णयरेणं आलेवणजाएणं आलिपावेत्ता वा विलिंपावेत्ता वा तेल्लेण वा घएण वा वसाए वा णवणीएण वा अभंगावेज्ज वा मक्खावेज्ज वा, अब्भंगावेंतं वा मक्खावेंतं वा सातिज्जति ॥
Jain Education International
For Private & Personal Use Only
www.jainelibrary.org
| SR No. | 003556 |
| Book Title | Navsuttani |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 2000 |
| Total Pages | 1316 |
| Language | Prakrit |
| Classification | Book_Devnagari, Agam, & Canon |
| File Size | 29 MB |