________________
चउद्दसमो उद्देसो
पडिग्गह-पर्व १. जे भिक्खू पडिग्गहं किणेति, किणावेति, कीयमाहटु' दिज्जमाणं पडिग्गाहेति,
पडिग्गाहेंतं वा सातिज्जति ।। २. जे भिक्खू पडिग्गहं पामिच्चेति, पामिच्चावेति, पामिच्चमाहटु दिज्जमाणं
पडिग्गाहेति, पडिग्गाहेंतं वा सातिज्जति ॥ ३. जे भिक्खू पडिग्गहं परियट्टेति, परियट्टावेति, परियट्टियमाहटु दिज्जमाणं ___ पडिग्गाहेति, पडिग्गाहेंतं वा सातिज्जति ॥ ४. जे भिक्खू पडिग्गहं अच्छेज्जं अणिसट्ठ अभिहडमाहटु दिज्जमाणं पडिग्गाहेति,
पडिग्गाहेंतं वा सातिज्जति ॥ ५. जे भिक्खू अइरेगं पडिग्गहं गणिं उद्दिसिय गणिं समुद्दिसिय तं गणि अणापुच्छिय __ अणामंतिय अण्णमण्णस्स वियरति, वियरंतं वा सातिज्जति ॥ ६. जे भिक्खू अइरेगं पडिग्गहं खुड्डगस्स वा खुड्डियाए वा थेरगस्स वा थेरियाए वा
अहत्थच्छिण्णस्स अपायच्छिण्णस्स अकण्णच्छिण्णस्स अणासच्छिण्णस्स अणो?च्छिण्णस्स सक्कस्स-देति, देंतं वा सातिज्जति ।। ७. जे भिक्खू अइरेगं पडिग्गहं खुड्डगस्स वा खुड्डियाए वा' •थेरगस्स वा थेरियाए
वा हत्थच्छिण्णस्स पायच्छिण्णस्स कण्णच्छिण्णस्स णासच्छिण्णस्स ओढच्छिण्णस्स'
असक्कस्स-न देति, न देंतं वा सातिज्जति ॥ ८. जे भिक्खू पडिग्गहं अणलं अथिरं अधुवं अधारणिज्जं धरेति, धरतं वा
सातिज्जति ॥ ६. जे भिक्खू पडिग्गहं अलं थिरं धुवं धारणिज्ज न धरेति, न धरतं वा सातिज्जति ॥ १०. जे भिक्खू वण्णमंतं पडिग्गहं विवणं करेति, करेंतं वा सातिज्जति ॥
१. कोयगडं (भाष्य, चू)। २. 'अ'प्रती एतत्सूत्रं नैव लभ्यते ।
३. सं० पा०-खुड्डियाए वा जाव थेरियाए
हत्थच्छिण्णस्स असक्कस्स ।
Jain Education International
For Private & Personal Use Only
www.jainelibrary.org
