Page Text
________________
पज्जोसवणाकप्पो
५५५
अभिक्खणं-अभिक्खणं जाणियव्वा पासियव्वा पडिलेहियव्वा भवइ । से तं
पाणसुहुमे ॥ २६४. से किं तं पणगसुहुमे ? पणगसुहुमे पंचविहे पण्णत्ते, तं जहा-किण्हे नीले लोहिए
हालिद्दे सुक्किले । अत्थि पणगसूहमे तद्दव्वसमाणवण्णए' नामं पण्णत्ते, जे छउमत्थेणं निग्गंथेण वा निग्गंथीए वा अभिक्खणं-अभिक्खणं जाणियब्वे पासियवे.
पडिले हियव्वे भवति । से तं पणगसुहुमे ।। २६५. से किं तं बीयसुहमे ? बीयसुहमे पंचविहे पण्णत्ते, तं जहा-किण्हे जाव सुक्किले ।
अस्थि बीयसुहुमे कणियासमाणवण्णए नामं पण्णत्ते, जे छउमत्थेणं निग्गंथेण वा निग्गंथीए वा 'अभिक्खणं-अभिक्खणं जाणियव्वे पासियव्वे° पडिलेहियव्वे भवइ ।
से तं बीयसुहुमे ।। २६६. से कि तं हरियसुहमे ? हरियसुहुमे पंचविहे पण्णत्ते, तं जहा—किण्हे जाव सुक्किले।
अस्थि हरियसुहुमे पुढवीसमाणवण्णए नामं पण्णत्ते, जे छउमत्थेणं निग्गंथेण वा निग्गंथीए वा अभिक्खणं-अभिक्खणं जाणियव्वे पासियव्वे' पडिलेहियव्वे भवइ । से
तं हरियसुहुमे ॥ २६७. से किं तं पुप्फसुहुमे ? पुप्फसुहुमे पंचविहे पण्णत्ते, तं जहा—किण्हे जाव सुक्किले। अस्थि
माणवण्णए नामं पण्णत्ते, जे छउमत्थेणं निग्गंथण वा निग्गंथीए वा अभिक्खणं-अभिक्खणं जाणियब्वे पासियव्वे पडिलेहियव्वे भवति । से
तं पुप्फसुहुमे ॥ २६८. से किं तं अंडसुहुमे ? अंडसुहुमे पंचविहे पण्णत्ते, तं जहा-उद्दसंडे उक्कलियंडे
पिपीलियंडे हलियंडे हल्लोहलियंडे, जे छउमत्थेणं निग्गंथेण वा निग्गंथीए वा" 'अभिक्खणं-अभिक्खणं जाणियव्वे पासियव्वे° पडिलेहियव्वे भवइ । से तं
अंडसुहुमे॥ २६६. से किं तं लेणसुहुमे ? लेणसूहुमे पंच विहे पण्यत्ते, तं जहा-उत्तिंगलेणे भिंगलेणे
उज्जए तालमूलए संवुक्कावटे' नामं पंचमे, जे छउमत्थेणं निग्गंथेण वा निग्गंथीए वा अभिक्खणं-अभिक्खणं जाणियव्वे पासियव्वे" पडिलेहियव्वे भवइ । से तं
लेणसुहुमे ॥ २७०. से किं तं सिणेहसुहुमे ? सिणेहसुहुमे पंचविहे पण्णत्ते, तं जहा-उस्सा हिमए
महिया करए हरतणुए णामं पंचमे, जे छउमत्थेणं निग्गंथेण वा निग्गंथीए" अभि१. वण्णे (ता)।
७. सं पा०--निग्गंथीए वा जाव पडिलेहियव्वे । २. सं० पा०-निग्गंथीए वा जाव पडिलेहियवे। ८. भिगू (चू)। ३. कणिया (पु); चूणौं कल्पकिरणावल्यामपि ___ च 'कणिका' इति पदं व्याख्यातमस्ति । १०. जाव (ख, ग, घ, पु) । ४. सं० पा०—निग्गंथीए वा जाव पडिलेहियवे। ११. सं० पा०—निग्गंथीए वा जाव पडिलेहियव्वे । ५-६. जाव (ख, ग, घ, पु) ।
Jain Education International
For Private & Personal Use Only
www.jainelibrary.org
| SR No. | 003556 |
| Book Title | Navsuttani |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 2000 |
| Total Pages | 1316 |
| Language | Prakrit |
| Classification | Book_Devnagari, Agam, & Canon |
| File Size | 29 MB |