Page Text
________________
५५४
पज्जोसवणाकप्पो
नो कप्पइ एगस्स य निग्गंथस्स एगाए य निग्गंथीए एगयओ' चिट्टित्तए, तत्थ नो कप्पइ एगस्स निग्गंथस्स दोण्ह य निग्गंथीणं एगयओ चिट्ठित्तए, तत्थ नो कप्पइ दोण्ह य निग्गंथाणं एगाए य निग्गंथीए एगयओ चिट्ठित्तए, तत्थ नो कप्पइ दोण्ह य निग्गंथाणं दोण्ह य निग्गंधीणं एगयओ चिट्ठित्तए, अत्थि या इत्थ केइ पंचमए खुड्डए वा खुड्डिया वा अण्णेसि वा संलोए सपडिदुवारे एवण्हं कप्पइ एगयओ
चिट्ठित्तए॥ २५८. वासावासं पज्जोस वियस्स निग्गंथस्स गाहावइकुलं पिंडवायपडियाए अणपविटुस्स
निगिझिय-निगिज्झिय वुट्टिकाए निवएज्जा, कप्पइ से अहे आरामंसि वा अहे उवस्सयंसि वा अहे वियडगिहंसि वा अहे रुक्खमूलंसि वा उवागच्छित्तए । तत्थ नो कप्पइ एगस्स निग्गंथस्स एगाए य अगारीए एगयओ चिट्ठित्तए । एवं चउभंगो अस्थि या इत्थ केइ पंचमए थेरे वा थेरिया वा अण्णेसिं वा संलोए सपडिदुवारे एवण्हं
कप्पइ एगयओ चिट्टित्तए ॥ २५६. एवं' चेव निग्गंथीए अगारस्स य भाणियव्वं ॥ २६०. वासावासं पज्जोसवियाणं नो कप्पइ निग्गंथाण वा निग्गंथीण वा 'अपडिण्णत्तेणं
अपडिण्णत्तस्स अट्ठाए असणं वा पाणं वा खाइमं वा साइमं वा पडिगा हित्तए।
से किमाहु भंते ! ? इच्छा परो अपडिण्णत्ते भुंजिज्जा, इच्छा परो न भुजिज्जा ॥ २६१. वासावासं पज्जोस वियाणं नो कप्पइ निग्गंथाण वा निग्गंथीण वा उदउल्लेण वा
ससिणिद्धेण वा काएणं असणं वा पाणं वा खाइमं वा साइमं वा आहारित्तए। से किमाह भंते ! ? सत्त सिहायतणा तं जहा-पाणी, पाणीलेहा, नहा, नहसिहा, भमहा, अहरोट्ठा, उत्तरोट्ठा । अह पुण एवं जाणेज्जा-विगओदए से काए
छिन्नसिणेहे. एवं से कप्पइ असणं वा पाणं वा खाइम वा साइमं वा आहारित्तए । २६२. वासावासं पज्जोस वियाणं इह खलु निग्गंथाण वा निग्गंथीण वा इमाइं अट्ठ सुहुमाइं,
जाई छउमत्थेणं निग्गंथेण वा निग्गंथीए वा अभिक्खणं-अभिक्खणं जाणियव्वाई पासियव्वाइं पडिलेहियव्वाई भवंति तं जहा-पाणसुहमं पणगसुहम बीयसूहम
हरियसुहुमं पुप्फसुहुमं अंडसुहुमं लेणसुहुमं सिणेहसुहुमं ।। २६३. से किं तं पाणसुहुमे ? पाणसुहुमे पंचविहे पण्णत्ते, तं जहा-किण्हे नीले लोहिए
हालिद्दे सुक्किले । अस्थि कुंथू अणुंधरी नाम 'जा ठिया' अचलमाणा छउमत्थाणं णिग्गंथाण वा णिग्गंथीण वा नो चक्खफासं हव्वमागच्छइ, 'जा अट्रिया चलमाणा
छउमत्थाणं चक्खफासं हव्वमागच्छइ" जा छउमत्थेणं निग्गंथेण वा निग्गंथीए वा १. एगओ (क) सर्वत्र ।
५. x (चू)। २. एवं (क)।
६. अणुद्धरी (क, ख, ग, घ, ता पु)। ३. 'ता' प्रतौ एतत्सूत्रं नास्ति ।
७. जट्टिया (ता)। ४. अपरिन्नएणं अपरिन्नयस्स (क, ख, ग, घ, ८. x (क, ख, ग, घ)।
Jain Education International
For Private & Personal Use Only
www.jainelibrary.org
| SR No. | 003556 |
| Book Title | Navsuttani |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 2000 |
| Total Pages | 1316 |
| Language | Prakrit |
| Classification | Book_Devnagari, Agam, & Canon |
| File Size | 29 MB |