Page Text
________________
पज्जोसवणाकप्पो
५५१
अद्दक्ख' वइत्तए-अस्थि ते आउसो ! इमं वा इमं वा ?
से किमाहु भंते ! सड्ढी गिही गिण्हइ वा तेणियं पि कुज्जा । २३६. वासावासं पज्जोस वियस्स निच्चभत्तियस्स भिक्खुस्स कप्पइ एग गोयरकालं
गाहावइकुलं भत्ताए वा पाणाए वा निक्खमित्तए वा पविसित्तए वा, नण्णत्थ' आयरियवेयावच्चेण वा उवज्झायवेयावच्चेण वा तवस्सि-गिलाण-वेयावच्चेण वा
खुड्डएण वा' अवंजणजायएणं ॥ २४०. वासावासं पज्जोस वियस्स चउत्थभत्तियस्स भिक्खुस्स अयं एवइए विसेसे-जं से
पाओ निक्खम्म पूव्वामेव वियडगं भोच्चा पेच्चा पडिग्गहगं संलिहिया संपमज्जिया, से य संथरिज्जा कप्पइ से तद्दिवसं तेणेव भत्तठेणं पज्जो वित्तए, से य नो संथरिज्जा एवं से कप्पइ दोच्चं पि गाहावइकुलं भत्ताए वा पाणाए वा निक्खमित्तए वा
पविसित्तए वा॥ २४१. वासावासं पज्जोस वियस्स छट्ठभत्तियस्स भिक्खुस्स कप्पंति दो गोयरकाला गाहा
वइकुलं भत्ताए वा पाणाए वा निक्ख मित्तए वा पविसित्तए वा ।। २४२. वासावासं पज्जोस वियस्स अट्ठमभत्तियस्स भिक्खुस्स कप्पंति तओ गोयरकाला
गाहावइकुलं भत्ताए वा पाणाए वा निक्खमित्तए वा पविसित्तए वा ।। २४३. वासावासं पज्जोस वियस्स विकिट्ठभत्तियस्स भिक्खुस्स कप्पंति सव्वे वि गोयरकाला
गाहावइकुलं भत्ताए वा पाणाए वा निक्खमित्तए वा पविसित्तए वा ।। २४४. वासावासं पज्जोस वियस्स निच्चभत्तियस्स भिक्खस्स कप्पंति सव्वाइं पाणगाई
पडिगाहेत्तए । २४५. वासावासं पज्जोसवियस्स चउत्थभत्तियस्स भिक्खुस्स कप्पंति तओ पाणगाई
पडिगाहेत्तए, तं जहा–उस्सेइमं संसेइमं चाउलोदगं" ।। २४६. वासावासं पज्जोस वियस्स छट्ठभत्तियस्स भिक्खुस्स कप्पंति तओ पाणगाइं पडिगाहे
त्तए तं जहा–तिलोदए तुसोदए जवोदए । २४७. वासावासं पज्जोस वियस्स अट्ठमभत्तियस्स भिक्खुस्स कप्पंति तओ पाणगाई
पडिगाहेत्तए, तं जहा- आयामए सोवीरए सुद्धवियडे ॥ २४८. वासावासं पज्जोस वियस्स विकिट्ठभत्तियस्स भिक्खस्स कप्पइ एगे उसिणवियडे
पडिगाहेत्तए, से वि य णं असित्थे 'नो वि य णं'" ससित्थे ॥
५. चाउलधोयणं (ता)। ६. उसिणे वियडे (घ); उसिणोदए वियडे
१. अद्दठ्ठ (चू)। २. अतः 'अवंजणजायएणं' पर्यन्तः पाठः 'ता'
प्रतौ नास्ति । ३. वा खुड्डियाए वा (क, ख, ग, घ)। ४. अव्वंजणजायएण (क)।
७. नो चेव णं (घ)।
Jain Education International
For Private & Personal Use Only
www.jainelibrary.org
| SR No. | 003556 |
| Book Title | Navsuttani |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 2000 |
| Total Pages | 1316 |
| Language | Prakrit |
| Classification | Book_Devnagari, Agam, & Canon |
| File Size | 29 MB |