Page Text
________________
पज्जोसवणाकप्पो
२३२. वासावासं पज्जोसवियाणं कप्पइ निग्गंथाण वा निग्गंथीण वा सव्वओ समंता
सकोसं जोयणं भिक्खायरियाए गंतुं पडिनियत्तए' जत्थ णं नई निच्चोयगा निच्चसंदणा नो से कप्पइ सव्वओ समंता सकोसं जोयणं भिक्खायरियाए गंतुं पडिनियत्तए। एरवईए' कुणालाए जत्थ चक्किया' एगं पायं जले किच्चा एगं पायं थले किच्चा एवं चक्किया एवं णं कप्पइ सव्वओ समंता सकोसं जोयणं भिक्खायरियाए गंतुं पडिनियत्तए, एवं नो चक्किया एवं णं नो कप्पइ सव्वओ समंता सकोसं जोयणं
गंतुं पडिनियत्तए ॥ २३३. वासावासं पज्जोसविताणं अत्थेगतियाणं एवं वृत्तपुव्वं भवइ दावे भंते ! एव से
कप्पइ दावित्तए, नो से कप्पइ पडिगाहित्तए॥ २३४. वासावासं पज्जोसवियाणं अत्थेगइयाणं एवं वृत्तपुव्वं भवइ पडिगाहे भंते ! एवं से
कप्पइ पडिगाहित्तए, नो से कप्पइ दावित्तए । २३५. वासावासं पज्जोसवियाणं अत्थेगइयाणं एवं वृत्तपुव्वं भवइ दावे भंते ! पडिगाहे
भंते ! एवं से कप्पइ दावित्तए वि पडिगाहित्तए वि ॥ २३६. वासावासं पज्जोसवियाणं नो कप्पइ निग्गंथाण वा निग्गंथीण वा हद्वाणं
आरोग्गाणं बलियसरीराणं इमाओ नवरसविगईओ अभिक्खणं-अभिक्खणं आहारि
तए, तं जहा-खीरं दहिं नवणीयं सप्पि तिल्लं गुडं महुँ मज्ज मंसं ॥ २३७. वासावासं पज्जोसवियाणं अत्थेगतियाणं एवं वृत्तपुव्वं भवइ अट्ठो भंते ! गिलाणस्स?
'से य वएज्जा-अट्ठो"। से य पुच्छियव्वे सिया-केवइएणं अट्ठो? से य वएज्जा-एवइएणं अट्ठो गिलाणस्स। जं से पमाणं वदति से पमाणतो घेत्तव्वे । से य विण्णवेज्जा, से य विण्णवेमाणे लभिज्जा, से य पमाणपत्ते, होउ' अलाहि इति वत्तव्वं सिया। से किमाहु भंते ! एवइएणं अट्ठो गिलाणस्स । सिया णं एवं वयंत परो वएज्जापडिग्गाहेहि अज्जो ! तुमं पच्छा भोक्खसि वा पाहिसि" वा एवं से कप्पइ
पडिग्गाहित्तए, नो से कप्पइ गिलाणनीसाए पडिग्गाहित्तए । २३८. वासावासं पज्जोस वियाणं अत्थि णं थेराणं तहप्पगाराइं कुलाई कडाइं पत्तियाई
थेज्जाइं वेसासियाई सम्मयाई बहुमयाइं अणुमयाइं भवंति, तत्थ से नो कप्पइ १. पडियत्तए (ता, पु)।
८. x (ता)। २. एरावई (क, ख, ग, घ) ।
६. होज्जा (ता)। ३. चक्किया सिया (क)।
१०. पिच्चा (ता)। ४. पडिगाहेहिं (क, ख, ग, घ)।
११. दाहिसी वा पयाहिसि (ग); दाहिसि (ता); ५. हट्ठाणं तुट्ठाणं (ख, घ)।
देहिसि (पु)। ६. वइज्जा (क) सर्वत्र ।
१२. समणाणं (ता)। ७. हंता अट्ठो (ता)।
१३. जत्थ (ता)।
Jain Education International
For Private & Personal Use Only
www.jainelibrary.org
| SR No. | 003556 |
| Book Title | Navsuttani |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 2000 |
| Total Pages | 1316 |
| Language | Prakrit |
| Classification | Book_Devnagari, Agam, & Canon |
| File Size | 29 MB |