Page Text
________________
५४०
पज्जोसवणाकप्पो
होत्था॥ १७५. उसभस्स णं अरहओ कोसलियस्स वीस सहस्सा छच्च' सयां वेउब्वियाणं उक्कोसिया
संपया होत्था ॥ १७६. उसभस्स णं अरहओ कोसलियस्स बारस सहस्सा छच्च सया पन्नासा विउलमईणं
अड्ढाइज्जेसु दीवसमुद्देसु सण्णीणं पंचिंदियाणं पज्जत्तगाणं मणोगए भावे जाण
माणाणं पासमाणाणं उक्कोसिया विपुलमइसंपया होत्था ॥ १७७. उसभस्स णं अरहओ कोसलियस्स बारस सहस्सा छच्च सया पन्नासा वाईणं
संपया होत्था॥ १७८. उसभस्स णं अरहओ कोसलियस्स वीसं अंतेवासिसहस्सा' सिद्धा, चत्तालीसं
अज्जियासाहस्सीओ सिद्धाओ। बावीससहस्सा नव य सया अणुत्तरोववाइयाणं
गतिकल्लाणाणं' 'ठिइकल्लाणाणं आगमेसि भद्दाणं उक्कोसिया संपया होत्था । १७६. उसभस्स णं अरहओ कोसलियस्स दुविहा अंतगडभूमी होत्था, तं जहा-जुगंतकड
भूमी य परियायंतकडभूमी य। जाव असंखेज्जाओ पुरिसजुगाओ जुगंतकडभूमी,
अंतोमुहुत्तपरियाए अंतमकासी ॥ १८०. तेणं कालेणं तेणं समएणं उसभे अरहा कोसलिए वीसं पुव्वसयसहस्साई कुमारवास
मज्भावसित्ताणं', तेवद्धि पुव्वसयसहस्साइं रज्जवासमझावसित्ताणं', तेसीइं पुन्वसयसहस्साई अगारवासमझावसित्ताणं, एगं वाससहस्सं छउमत्थपरियागं पाउणित्ता, एगं पुव्वसयसहस्सं वाससहस्सूणं केवलिपरियागं पाउणित्ता, पडिपुण्णं पुव्वसयसहस्सं सामण्णपरियागं पाउणित्ता, चउरासीइं पुव्वसयसहस्साई सव्वाउयं पालइत्ता खीणे वेयणिज्जाउयनामगोत्ते इमीसे ओसप्पिणीए सुसमदूसमाए समाए बहुविइक्कंताए तिहिं वासेहिं अद्धणवमेहि य मासेहिं सेसेहिं जेसे हेमंताणं तच्चे मासे पंचमे पक्खे-माहबहुले तस्स णं माहबहुलस्स तेरसी-पक्खेणं उप्पि अट्ठावयसेल सिहरंसि दसहिं अणगारसहस्सेहिं सद्धि चोइसमेणं भत्तेणं अपाणएणं अभीइणा नक्खत्तेणं जोगमवागएणं पुव्वण्हकालसमयंसि पलियंकनिसन्ने कालगए विइक्कते
जाव सव्वदुक्खप्पहीणे ॥ १८१. उसभस्स णं अरहओ कोसलियस्स कालगयस्स जाव सव्वदुक्खप्पहीणस्स तिन्नि
वासा अद्धनवमा य मासा विइक्कंता, तओ वि परं एगा सागरोवमकोडाकोडी तिवास-अद्धनवमासाहिएहिं बायालीसाए वाससहस्सेहिं ऊणिया वीइक्कंता। एयम्मि समए समणे भगवं महावीरे परिनिव्वुडे । तओ वि परं नव वाससया वीइक्कंता दसमस्स य वाससयस्स अयं असीइमे संवच्छरे काले गच्छइ ॥
१. हच्च (ख)। २. अंतेवासिसया (पु)। ३. सं० पा०-गतिकल्लाणाणं जाव भदाणं । ४. मज्झे वसित्ताणं (क, ख, ग, घ) सर्वत्र ।
५. महारायमझावसित्ता (ता)। ६. संपलियंक (क, ख, ग, घ, पु)। ७. प० सू० १०६।
Jain Education International
For Private & Personal Use Only
www.jainelibrary.org
| SR No. | 003556 |
| Book Title | Navsuttani |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 2000 |
| Total Pages | 1316 |
| Language | Prakrit |
| Classification | Book_Devnagari, Agam, & Canon |
| File Size | 29 MB |