Page Text
________________
दसमा दसा
४८७
अणठे । से णं एतारूवेणं विहारेणं विहरमाणे बहूई वासाइं समणोवासगपरियागं पाउणइ, पाउणित्ता कालमासे कालं किच्चा अण्णतरेसु देवलोगेसु देवत्ताए उववत्तारो भवति। एवं खलु समणाउसो ! तस्स निदाणस्स इमेतारूवे पावए फलविवागे, जं णो
संचाएति सील-व्वत-गुण-वेरमण-पच्चक्खाण-पोसहोववासाइं पडिवज्जित्तए । निग्गंथ-निग्गंथीए समणोवासगभवण-निदाण (८)-पदं ३१. एवं खलु समणाउसो ! मए धम्मे पण्णत्ते'-'इणमेव निग्गंथे पावयणे सच्चे अणुत्तरे
पडिपुण्णे केवले संसुद्धे णेआउए सल्लगत्तणे सिद्धिमग्गे मुत्तिमग्गे निज्जाणमग्गे निव्वाणमग्गे अवितहमविसंधी सव्वदुक्खप्पहीणमग्गे । इत्थं ठिया जीवा सिझंति बुझंति मुच्चंति परिनव्वायं ति सव्वदुक्खाणमंतं करेंति । जस्स णं धम्मस्स निग्गंथो वा निग्गंथी वा सिक्खाए उवट्ठिए विहरमाणे पुरा दिगिछाए पुरा पिवासाए पुरा वातातवेहिं पुठे, विरूवरूवेहि य परिसहोवसग्गेहिं उदिण्णकामभोगे यावि विहरेज्जा । से य परक्कमेज्जा । से य परक्कममाणे दिव्वमाणुस्सेहिं कामभोगेहि निव्वेदं गच्छेज्जा-माणुस्सगा' कामभोगा अधुवा' 'अणितिया असासता सडणपडण-विद्धंसणधम्मा उच्चार-पासवण-खेल-सिंघाण-वंत-पित्त-सुक्क-सोणियसमुब्भवा दुरुय-उस्सास-निस्सासा दुरुय-मुत्त-पुरोसपुण्णा वंतासवा पित्तासवा खेलासवा पच्छा पुरं च णं अवस्स विप्पजहणिज्जा। दिव्वावि खलु कामभोगा अधुवा अणितिया असासता चला चयणधम्मा पुणरागमणिज्जा पच्छा पुव्वं च णं अवस्सविप्पजहणिज्जा। जइ इमस्स सुचरियस्स तव-नियम- बंभचेरवासस्स कल्लाणे फल वित्तिविसेसे अत्थि, तं अहमवि आगमेस्साणं से जे इमे भवंति उग्गपुत्ता महामाउया', 'भोगपुत्ता महामाउया', एतेसि णं अण्णतरंसि कुलंसि पुमत्ताए पच्चाइस्सामि', तत्थ णं समणोवासए भविस्सामि-अभिगतजीवाजीवे जाव फासएसणिज्जेणं असण-पाण-खाइम-साइमेणं पडिलाभेमाणे विहरिस्सामि। से तं साहू। एवं खलु समणाउसो ! निग्गंथो वा निग्गंथी वा निदाणं किच्चा तस्स ठाणस्स अणालोइय° •पडिक्कंते कालमासे कालं किच्चा अण्णतरेसु देवलोएसु देवत्ताए उववत्तारो भवति"-'महिड्ढिएसु जाव चिरट्टितीएसु । से णं तत्थ देवे भवति । महिड्डिए जाव भुंजमाणे विहरति । से णं ताओ देवलोगाओ आउक्खएणं
भवक्खएणं ठितिक्खएणं अणंतरं चयं चइत्ता ‘से जे इमे भवंति उग्गपुत्ता महा१. सं० पा०-पण्णत्ते तं चेव सव्वं जाव से य । युज्यते । ३२ सूत्रेणाप्यस्य पुष्टिर्जायते । २. माणुस्सा खलु (ता)।
७. ओ० सू० १६२ । ३. सं० पा०-अधुवा जाव विप्पजहणिज्जा । ८. फासुयएस (ता) । ४. सं० पा०--तवनियमस्स जाव आगमेस्साणं । ६. खायम (ता)। ५. सं० पा०-महामाउया जाव पुमत्ताए। १०. सं० पा०-अणालोइय जाव देवलोएस् । ६. पच्चायंति (अ, क, ख); कर्तृपदस्य संदर्भ ११. सं० पा०-भवंति जाव कि भे। अत्र उत्तमपुरुषस्य एकवचनान्तं क्रियापदे १२. द्रष्टव्यं दसा० १०२४ सूत्रस्य पादटिप्पणम् ।
Jain Education International
For Private & Personal Use Only
www.jainelibrary.org
| SR No. | 003556 |
| Book Title | Navsuttani |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 2000 |
| Total Pages | 1316 |
| Language | Prakrit |
| Classification | Book_Devnagari, Agam, & Canon |
| File Size | 29 MB |