Page Text
________________
दसमा दसा
रइयवच्छे पालब-पलबमाण-पड-सुकयउत्तरिज्जे णाणामणि कणग-रयण-विमलमहरिह-णिउणोविय-मिसिमिसंत-विरइय-सुसिलिट्ठ-विसिट्ठ-लट्ठ-आविद्ध- वीरवलए, कि बहुणा ?° कप्परुक्खए चेव अलंकिय-विभू सिते परिंदे' 'सकोंरटमल्लदामेणं छत्तेणं धरिज्जमाणेणं चउचामरवालवीइयंगे मंगल-जयसद्द-कयालोए° मज्जणघराओ पडिनिक्खमति, पडि निक्खमित्ता जेणेव चेल्लणा देवी तेणेव उवागच्छइ, उवागच्छित्ता चेल्लणं देवि एवं वदासि-एवं खलु देवाणु प्पिए ! समणे भगवं महावीरे आदिगरे तित्थगरे जाव संपाविउकामे पुव्वाणुपुवि' 'चरमाणे गामाणुगामं दूइज्जमाणे सुहंसुहेणं विहरमाणे° संजमेणं तवसा अप्पाणं भावेमाणे विहरति । तं महाफलं देवाणु प्पिए ! तहारूवाणं अरहंताणं' 'भगवंताणं णामगोयस्स वि सवणयाए, किमंग पुण अभिगमण-वंदण-णमंसण-पडिपुच्छण-पज्जु वासणयाए ? एगस्स वि आरियस्स धम्मियस्स सुवयणस्स सवणयाए, किमंग पुण विउलस्स अट्रस्स गहणयाए ?° तं गच्छामो देवाणप्पिए ! समण भगवं महावीरं वंदामो णमंसामो सक्कारेमो सम्माणमो कल्लाणं मंगलं देवयं चेइयं पज्जुवासामो 'एयं णे" इहभवे य परभवे य हिताए सुहाए खमाए निस्सेयसाए' आणुगामियत्ताए
भविस्सति ॥ १२. तते णं सा चेल्लणा देवी सेणियस्स रण्णो अंतिए एयमठं सोच्चा निसम्म हट्ट"तुट्ट
चित्तमाणंदिया पीइमणा परमसोमणस्सिया हरिसवस-विसप्पमाणहियया करयलपरिग्गहिया सिरसावत्तं मत्थए अंजलि कट्ट एवं सामि ! त्ति सेणियस्स रणो एयमझें विणएणं° पडिसुणेइ, पडिसुणेत्ता जेणेव मज्जणघरे तेणेव उवागच्छइ, उवागच्छित्ता प्रहाता कयबलिकम्मा कयकोउय-मंगल-पायच्छित्ता। 'किं ते ?" वरपायपत्तणउर-मणिमेहल-हार-रइय-ओविय-कडग-खड्ड-एगावली-कठमरजतिसरय-वरवलय-हेमसुत्तय-कुंडलुज्जोवियाणणा रयणभूसियंगी चीणंसुयं वत्थं परिहिता दुगुल्ल-सुकुमार-कंतरमणिज्ज - उत्तरिज्जा सव्वोउय-सुरभिकुसुमसुंदररयित-पलंब-सोहंत-कंत-विकसंत-चित्तमाला वरचंदणचच्चिया वराभरणभूसि
१. सं० पा०–णरिदे जाव मज्जणघराओ। २. सं० पा०-पुवाणुपुष्वि जाव संजमेणं । ३. सं० पा०-अरहताणं जाव तं गच्छामो । ४. एतेणं (अ, क); एतं णं (ख); एएणं (ता);
द्रष्टव्यं भग० ६।१३६; ओ० सू० ५२ । ५. निस्सेसाए जाव (अ, क); निस्सेयसाए जाव
८. उविहिय (अ, क, ख); वृत्तिकृता 'उपचित
कटकानि' इति व्याख्यातम्, किन्तु अन्यागमानां सन्दर्भ 'ओविय' इति पाठो युक्तोस्ति । द्रष्टव्यं 'नायाधम्मकहाओ' १११।३३ सूत्रस्य
त्रयोदशं पादटिप्पणम् । ६. कंठसुमरगय (अ, क); कंठसुमरगव (ख)। १०. चीणंसुया (अ, क, ख); वृत्तिकृता 'चीनां
शुकं' एतत् पदं रयणभूसियंगी' अस्मात् पदात् पूर्व व्याख्यातम् ।
६. सं० पा०–हट्ठ जाव पडिसुणेइ । ७. द्रष्टव्यं भ० ६।१४४ सूत्रस्य पादटिप्पणम् ।
Jain Education International
For Private & Personal Use Only
www.jainelibrary.org
| SR No. | 003556 |
| Book Title | Navsuttani |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 2000 |
| Total Pages | 1316 |
| Language | Prakrit |
| Classification | Book_Devnagari, Agam, & Canon |
| File Size | 29 MB |