Page Text
________________
३८४
अणुओगदाराई
जहा--बद्धेल्लया य मुक्केल्लया य । तत्थ णं जेते बद्धेल्लया ते णं नत्थि । तत्थ णं
जेते मुक्केल्लया ते जहा ओहिया ओरालियसरीरा' तहा भाणियव्वा ॥ ४६३. मेरइयाणं भंते ! केवइया वेउब्वियसरीरा पण्णत्ता ? गोयमा ! दुविहा पण्णत्ता, तं
जहा-बद्धेल्लया य मुक्केल्लया य। तत्थ णं जेते बद्धेल्लया ते णं असंखेज्जा, असंखेज्जाहिं उस्स प्पिणी-ओस प्पिणी हि अवहीरंति कालओ, खेत्तओ असंखेज्जाओ सेढीओ पयरस्स असंखेज्जइभागो । तासि णं सेढीणं विक्खंभसूई अंगुलपढमवग्गमूलं बिइयवग्गमूलपडुप्पण्णं' 'अहव णं अंगल बिइयवग्गमूलघणपमाणमेत्ताओ सेढीओ।
तत्थ णं जेते मुक्केल्लया ते णं जहा ओहिया ओरालियसरीरा तहा भाणियव्वा ॥ ४६४. नेरइयाणं भंते ! केवइया आहारगसरीरा पण्णत्ता? गोयमा ! दुविहा पण्णत्ता,
तं जहा-बद्धेल्लया य मक्केल्लया य। तत्थ णं जेते बद्धल्लया ते णं नत्थि। तत्थ
णं जेते मुक्केल्लया ते जहा ओहिया ओरालियसरीरा तहा भाणियव्वा ।। ४६५. तेयग-कम्मगसरीरा जहा एएसि चेव वेरव्वियसरीरा तहा“ भाणियव्वा ॥ ४६६. असुरकुमाराणं भंते ! केवइया ओरालियसरीर पण्णत्ता ? गोयमा ! जहा नेरइयाणं
ओरालियसरीरा तहाभाणियव्वा ॥ ४६७. असुर कुमाराणं भंते ! केवइया वेउव्वियसरीरा पण्णत्ता ? गोयमा ! दुविहा पण्णत्ता,
तं जहा-बधेल्लया य मक्केल्लया य। तत्थ णं जेते बद्धेल्लया ते णं असंखेज्जा, 'असंखेज्जाहिं उस्सप्पिणी-ओसप्पिणीहि अवहीरंति कालओ, खेत्तओ असंखेज्जाओ सेढीओ पयरस्स' असंखेज्जइभागो। तासि णं सेढोणं विक्खंभसूई अंगुल ढमवग्गमूलस्स असंखेज्जइभागो। मुक्केल्लया जहा 'ओहिया ओरालियसरीरा'" तहान
भाणियव्वा ।। ४६८. 'असुरकुमाराणं भंते ! केवइया आहारगसरीरा पण्णत्ता ? गोयमा ! दुविहा
पण्णत्ता, तं जहा-बद्धेल्लया य मुक्केल्लया य । जहा एएसिं चेव ओरालियसरीरा
तहा भाणियव्वा१४ ॥ ४६६. तेयग-कम्मगसरीरा जहा एएसिं चेव वेउव्वियसरीरा तहा५ भाणियव्वा ॥
-
१. ओरालिय (क)। २. अणु० सू० ४५७ । ३. पडुप्पाइयं (चू)। ४. अहवा (चू); अहव ण (हेपा)। ५. अणु० सू० ४५७ । ६. ओरालिया (क, ख, ग) । ७. अणु० सू० ४५७ । ८. अणु० सू० ४६३ ।
६. अणु० सू० ४६२ । १०. जहा नेरइयाणं जाव पयरस्स (क) । ११. एएसिं चेव ओरालियसरीरा (क) । १२. अणु० सू० ४५७ । १३. अणु० सू० ४६६ । १४. आहारगा जहा ओरालियसरीरा तहा भाणि
यव्वा (क)। १५. अणु० सू० ४६७ ।
Jain Education International
For Private & Personal Use Only
www.jainelibrary.org
| SR No. | 003556 |
| Book Title | Navsuttani |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 2000 |
| Total Pages | 1316 |
| Language | Prakrit |
| Classification | Book_Devnagari, Agam, & Canon |
| File Size | 29 MB |