Page Text
________________
अणुओदारा
४५६. वाणमंतराणं जोइसियाणं वेमाणियाणं जहा नेरइयाणं ॥
४५७. केवइया' णं भंते ! ओरालियसरीरा पण्णत्ता ? गोयमा ! दुविहा पण्णत्ता, तं
जहा - ' बद्धेल्लया य मुक्केल्लया य" । तत्थ णं जेते बद्धेल्लया ते णं असंखेज्जा, असंखेज्जाहिं 'उस्सप्पिणी ओसप्पिणीहि अवहीरंति कालओ, खेत्तओ असंखेज्जा लोगा । तत्थ णं जेते मुक्केल्लया ते णं" अणंता, अणंताहिं उस्सप्पिणी-ओसीहिं अवहीरंति कालओ, खेत्तओ अणंता लोगा, दव्वओ अभवसिद्धिएहि अनंतगुणा सिद्धाणं अनंतभागो ॥
४५८. केवइया णं भंते ! वेउव्वियसरीरा पण्णत्ता ? गोयमा ! दुविहा पण्णत्ता, तं जहाबल्लया य मुक्केल्लया य । तत्थ णं जेते बद्धेल्लया ते णं असंखेज्जा, असंखेज्जाहिं उस्सप्पिणी ओसप्पिणीहि अवहीरंति कालओ, खेत्तओ असंखेज्जाओ सेढीओ पयरस्स असंखेज्जइभागो । तत्थ णं जेते मुक्केल्लया ते णं अनंता, अणंताहिं उस्सप्पणी - ओस्सप्पिणीहि अवहीरंति कालओ, सेसं जहा ओरालियस्स मुक्केल्लया तहा 'एए वि" भाणियव्वा ॥
४५६. केवइया णं भंते ! आहारगसरीरा पण्णत्ता ? गोयमा ! दुविहा पण्णत्ता, तं जहाबद्धेल्या य मुक्केल्लया य । तत्थ णं जेते बद्धेल्लया ते णं सिय" अत्थि सिय" नत्थ, जइ अत्थि जहणेणं एगो वा दो वा तिण्णि वा, उक्कोसेणं सहस्स पुहत्तं " । मुक्केलया जहा ओरालियसरीरस्स" तहा भाणियव्वा ॥
४६०. केवइया णं भंते ! तेयगसरीरा पण्णत्ता ? गोयमा ! दुविहा पण्णत्ता, तं जहाबद्धेल्लया य मक्केल्लया य । तत्थ णं जेते बद्धेल्लया ते णं अनंता, अणताहि उस्सप्पणी ओसणीहि अवहीरंति कालओ, खेत्तओ अनंता लोगा, दव्वओ" सिद्धेहिं अनंतगुणा सव्वजीवाणं अनंतभागूणा । तत्थ णं जेते मुक्केल्लया ते णं अनंता, अताहिं उस्सप्पिणी-ओसप्पिणीहिं अवहीरंति कालओ, खेत्तओ अनंता लोगा, व्वओ" सव्वजीवेहि अनंतगुणा जीववग्गस्स अनंतभागो ॥
४६१. केवइया णं भंते ! कम्मगसरीरा पण्णत्ता ? गोयमा ! दुविहा पण्णत्ता, तं जहाबद्धेल्लया य मुक्केल्लया य । जहा तेयगसरीरा तहा कम्मगसरीरा वि भाणियव्वा ॥ ४६२. नेरइयाणं भंते ! केवइया ओरालियसरीरा पण्णत्ता ? गोयमा ! दुविहा पण्णत्ता, तं ८. ओरालिय ( ख, ग ) ।
C. एहिं ( क ) ।
१०. सिया ( क ) ।
११. सिया ( क ) ।
१. नेरइयाणं वेउव्त्रियतेयगकम्मगा तिष्णि-तिष्णि सरीरा भाणियव्वा ( क ) ।
२. इविहा ( क ) ।
३. बद्धेल्लगा य मुक्केल्लगा य ( ख, ग ) । ४. ओसप्पिणी - उस्सप्पिणीहि (ख) सर्वत्र । ५. × ( क ) ।
६. x (क, ख, ग ) । ७. सेपि ( क ) ।
३८३
Jain Education International
१२. सहसपुहुत्तं ( क, ख, ग ) । १३. ओरालियसरीरा ( ख, ग ) ।
१४. x ( क, ख, ग ) । १५. ४ ( ख, ग ) ।
For Private & Personal Use Only
www.jainelibrary.org
| SR No. | 003556 |
| Book Title | Navsuttani |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 2000 |
| Total Pages | 1316 |
| Language | Prakrit |
| Classification | Book_Devnagari, Agam, & Canon |
| File Size | 29 MB |