Page Text
________________
अणुओगदाराई
नागकुमाराणं भंते! केवतिअं कालं ठिई पण्णत्ता ? गोयमा ! जहन्नेणं दस वाससहस्साइं, उक्कोसेणं देसूणाई दुण्णि पलिओवमाई । नागकुमारीणं भंते! केवतिअं कालं ठिती पण्णत्ता ? गोयमा! जहन्नेणं दस वाससहस्साइं, उक्कोसेणं देसूणं पलिओवमं । एवं जहा णागकूमाराणं देवाणं देवीण य तहा जाव थणिय कुमाराणं देवाणं देवीण य भाणिअव्वं । पुढविकाइआणं भंते! केवइअं कालं ठिती पण्णत्ता ? गोयमा! जहन्नेणं अंतोमुहत्तं उक्कोसेणं बावीसं वाससहस्साई । सुहुमपुढविकाइआणं ओहिआणं अपज्जत्तगाणं पज्जत्तगाण य तिण्ह वि पुच्छा। गोयमा! जहन्नेण वि अंतोमुत्तं, उक्कोसेण वि अंतोमुत्तं । बादरपुढविकाइयाणं पुच्छा । गोयमा! जहन्नेणं अंतोमुहुत्तं, उक्कोसेणं बावीसं वाससहस्साई । अपज्जत्तगबादरपुढविकाइयाणं पुच्छा । गोयमा! जहन्नेण वि अंतोमुहत्तं, उक्कोसेण वि अंतोमुहुत्तं । पज्जत्तगबादरपुढविकाइयाणं पुच्छा । गोयमा! जहन्नेणं अंतोमुहुत्तं, उक्कोसेणं बावीसं वाससहस्साई अंतोमुहुत्तूणाई। एवं सेसकाइआणं वि पुच्छा वयणं भाणियव्वं । आउकाइआणं जहन्नेणं अंतोमुहुत्तं, उक्कोसेणं सत्त वाससहस्साई। सुहुमआउकाइआणं ओहिआणं अपज्जत्तगाणं पज्जत्तगाणं तिण्ह वि जहन्नेण वि अंतोमुहुत्तं, उक्कोसेण वि अंतोमुहुत्तं । बादरआउकाइयाणं जहा ओहिआणं । अपज्जत्तगबादरआउकाइआणं जहन्नेण वि अंतोमुहुत्तं, उक्कोसेण वि अंतोमुहुत्तं । पज्जत्तगबादरआउकाइआणं जहन्नेणं अंतोमुहुत्तं, उक्कोसेणं सत्त वाससहस्साइं अंतोमुहुत्तूणाई। तेउकाइआणं जहन्नेणं अंतोमुहत्तं, उक्कोसेणं तिण्ण राइंदिआई । सहमतेउकाइआणं ओहिआणं अपज्जत्तगाणं पज्जत्तगाणं तिण्ह वि जहन्नेण वि अंतोमुत्तं, उक्कोसेण वि अंतोमुहत्तं । बादरतेउकाइआणं जहन्नेणं अंतोमुत्तं, उक्कोसेणं तिण्णि राइंदिआई। अपज्जत्तगबादरतेउकाइआणं जहन्नेण वि अंतोमुहुत्तं, उक्कोसेण वि अंतोमुहुत्तं । पज्जत्तगबादरतेउकाइआणं जहन्नेणं अंतोमुहुत्तं, उक्कोसेणं तिण्णि राइंदियाइं अंतोमुहत्तणाई। वाउकाइआणं जहन्नेणं अंतोमुहुत्तं, उक्कोसेणं तिण्णि वाससहस्साई । सुहुमवाउकाइआणं ओहिआणं अपज्जत्तगाणं पज्जत्तगाण य तिण्ह वि जहन्नेण वि अंतोमुत्तं, उक्कोसेण वि अंतोमुत्तं । बादरवाउकाइयाणं जहन्नेणं अंतोमुहुत्तं, उक्कोसेणं तिण्णि वाससहस्साई। अपज्जत्तगबादरवाउकाइयाणं जहन्नेण वि अंतोमुहत्तं, उक्कोसेण वि अंतोमुत्तं । पज्जत्तगबादरवाउकाइयाणं जहन्नेणं अंतोमुहुत्तं, उक्कोसेणं तिण्णि वाससहस्साइं अंतोमुत्तूणाई ।। वणस्सइकाइआणं जहन्नेणं अंतोमुहुत्तं, उक्कोसेणं दस वाससहस्साई। सुहुमवणस्सइकाइआणं ओहिआणं अपज्जत्तगाणं पज्जत्तगाण य ति ह वि जहन्नेण वि अंतोमुहुत्तं, उक्कोसेण वि अंतोमुहत्तं । बादरवणस्सइकाइयाणं जहन्नेणं अंतोमुहुत्तं, उक्कोसेणं दसवाससहस्साई । अपज्जत्तगबादरवणस्सइकाइयाणं जहन्नेण वि अंतोमुहत्तं, उक्कोसेण वि अंतोमुहत्तं । पज्जत्तगबादरवणस्सइकाइयाणं जहन्नेणं अंतोमुहत्तं, उक्कोसेणं दस वाससहस्साइं अंतोमुत्तूणाई। बेइंदिआणं भंते ! केवइ कालं ठिई पण्णता ? गोयमा ! जहन्नेणं अंतोमहत्तं, उक्कोसेणं बारस संवच्छराणि । अपज्जत्तगबेइंदिआणं पुच्छा। गोयमा ! जहन्नेण वि अंतोमुहत्तं, उक्कोसेण वि अंतोमुहत्तं । पज्जत्तगबेइंदिआणं पुच्छा । गोयमा ! जहन्नेणं अंतोमुहुत्तं, उक्कोसेणं बारस संवच्छराइं अंतोमहत्तणाई । तेइंदिआणं भंते ! केवइ कालं ठिई पण्णत्ता ? गोयमा जहन्नेणं अंतोमुहत्तं, उक्कोसेणं एकूणपण्णासं राइंदिआइं। अपज्जत्तगतेइंदिआणं पुच्छा । गोयमा ! जहन्नेण वि अंतो
Jain Education International
For Private & Personal Use Only
www.jainelibrary.org
| SR No. | 003556 |
| Book Title | Navsuttani |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 2000 |
| Total Pages | 1316 |
| Language | Prakrit |
| Classification | Book_Devnagari, Agam, & Canon |
| File Size | 29 MB |