Page Text
________________
३७४
अणुओगदाराई एगमेगं वालग्गं अवहाय जावइएणं कालेणं से पल्ले ‘खीणे नीरए निल्लेवे" निदिए भवइ । से तं सुहुमे अद्धापलिओवमे। गाहा
एएसिं पल्लाणं, कोडाकोडी भवेज्ज दसगुणिया ।
तं 'सुहुमस्स अद्धासागरोवमस्स" एगस्स भवे परीमाणं ॥१॥ ४३२. एएहिं सुहुमअद्धापलिओवम'-सागरोवमेहि किं पओयणं ? एएहिं सुहुमअद्धापलि
ओवम-सागरोवमेहि नेरइय-तिरिक्खजोणिय-मणुस्स-देवाणं आउयाई मविज्जति ।। ४३३. नेरइयाणं भंते ! केवइयं कालं ठिई पण्णत्ता ? गोयमा ! जहण्णेणं दसवास
सहस्साई, उक्कोसेणं तेत्तीसं सागरोवमाइं। 'जहा पण्णवणाए ठिईपए सव्वसत्ताणं । से तं सुहमे अद्धापलिओवमे । से तं अद्धापलिओवमे ॥
१. ४ [क]। २. सुहुमद्धदहिस्स उ (क)। ३. सुहुमेहिं अद्धा (ख, ग)। ४. मणूस (ख, ग)। ५. आउयं (ख, ग)। ६. अत्र संक्षिप्तवाचनायाः पाठः स्वीकृतोस्ति । विस्तृतवाचनायाः विषयः मूलतः प्रज्ञापनायाः [पद ४]
प्रतिपाद्योस्ति, अत्र स प्रासङ्गिक एव । तेनात्र संक्षिप्तवाचना पर्याप्ता परिभाव्यते । 'ख, ग' प्रत्योः मलधारिहेमचन्द्रवृत्तौ च विस्तृतवाचना लभ्यते, सा चेत्थम्-रयणप्पभापुढविणेरइआणं भंते! केवतिअं काल ठिती पण्णत्ता ? गोयमा! जहन्नेणं दसवाससहस्साई, उक्कोसेणं एक्कं सागरोवमं । अपज्जत्तगरयणप्पभापुढविनेरइआणं भंते! केवइअं कालं ठिती पण्णत्ता ? गोयमा! जहन्नेण वि अंतोमुहत्तं, उक्कोसेण वि अंतोमुहत्तं । पज्जत्तगरयणप्पभापुढविनेरइआणं भंते! केवइअं कालं ठिती पण्णत्ता ? गोयमा! जहन्नेणं दसवाससहस्साई अंतोमुहुत्तूणाई, उक्कोसेणं एक्कं सागरोवमं अंतोमुहुत्तूणं । सक्करप्पभापूढविनेरइआणं भंते! केवइअं कालं ठिती पण्णत्ता ? गोयमा! जहन्नेणं एक्कं सागरोवमं, उक्कोसेणं तिण्णि सागरोवमाई । एवं सेसपुढवीसु पुच्छा भाणियव्वा । वालुयप्पभापुढविनेरइआणं जहन्नेणं तिण्णि सागरोवमाइं, उक्कोसेणं सत्त सागरोवमाइं। पंकप्पभापुढविनेरइयाणं जहन्नेणं सत्त सागरोवमाई, उक्कोसेणं दस सागरोवमाइं। धूमप्पभापुढविनेरइयाणं जहन्नेणं दस सागरोवमाइं, उक्कोसेणं सत्तरस सागरोवमाइं । तमापुढविनेरइयाणं जहन्नेणं सत्तरस सागरोवमाइं, उक्कोसेणं बावीसं सागरोवमाइं । तमतमापुढविनेरइयाणं जहन्नेणं बावीसं सागरोवमाइं, उक्कोसेणं तेत्तीसं सागरोवमाई। असुरकुमाराणं भंते! केवतिअं कालं ठिती पण्णत्ता ? गोयमा! जहन्नेणं दस वाससहस्साइं, उक्कोसेणं सातिरेग सागरोवमं । असुरकुमारीणं भंते! केवतिअं कालं ठिती पण्णत्ता ? गोयमा ! जहन्नेणं दस वाससहस्साइं, उक्कोसेणं अद्धपंचमाइं पलिओवमाई।
Jain Education International
For Private & Personal Use Only
www.jainelibrary.org
| SR No. | 003556 |
| Book Title | Navsuttani |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 2000 |
| Total Pages | 1316 |
| Language | Prakrit |
| Classification | Book_Devnagari, Agam, & Canon |
| File Size | 29 MB |