________________
परिसिह्र १ अणुण्णानंदी
१. से किं तं अणुण्णा ? अणुण्णा छन्विहा पण्णत्ता, तं जहानामाणुण्णा ठवणाणुण्णा
दव्वाणुण्णा खेत्ताणुण्णा कालाणुण्णा भावाणुण्णा ॥ २. से किं तं नामाणुण्णा ? नामाणुण्णा-जस्स णं जीवस्स वा अजीवस्स वा जीवाण
वा अजीवाण वा तदुभयस्स वा तदुभयाण वा अणुण्ण त्ति णामं कीरइ । सेत्तं
नामाणुण्णा ।। ३. से किं तं ठवणाणुण्णा ? ठवणाणुण्णा-जं' णं कट्टकम्मे वा पोत्थकम्मे वा लेप्पकम्मे
वा चित्तकम्मे वा गंथिमे वा वेढिमे वा पूरिमे वा संघातिमे वा अक्खे वा वराडए वा एगे वा अणेगे वा सब्भावठवणाए वा असब्भावठवणाए वा अणुण्ण त्ति ठवणा
ठविज्जति । सेत्तं ठवणाणुण्णा ।। ४. णाम-ठवणाणं को पतिविसेसो ? णामं आवकहियं, ठवणा इत्तिरिया वा होज्जा
आवकहिया वा ॥ ५. से किं तं दव्वाणुण्णा ? दव्वाणुण्णा दुविहा पण्णत्ता, तं जहा-आगमतो य नोआग
मतो य । ६. से किं तं आगमतो दव्वाणुण्णा ? आगमतो दव्वाणुण्णा-जस्स णं अणण्णत्ति पदं
सिक्खियं ठियं जियं मियं परिजियं नामसमं घोससमं अहीणक्खरं अणच्चक्खरं अव्वाइद्धक्खरं अक्खलियं अमिलियं अविच्चामेलियं पडिपुण्णं पडिपुण्णघोसं कंठोट्टविप्पमुक्कं गुरुवायणोवगयं से णं तत्थ वायणाए पुच्छणाए परियट्टणाए धम्मकहाए, नो अणुप्पेहाए । कम्हा ? अणुवओगो दव्वं इति कट्ट ।
गमस्स एगे अणुवउत्ते आगमतो एगा दव्वाणुण्णा, दोण्णि अणवउत्ता आगमतो दोण्णि दव्वाणुण्णाओ, तिण्णि अणुवउत्ता आगमओ तिण्णि दव्वाणुण्णाओ, एवं १.जे (क)।
२. ४ (क)।
२८१
Jain Education International
For Private & Personal Use Only
www.jainelibrary.org
