Page Text
________________
२७८
नंदी
१२१. से किं तं गंडियाणुओगे ? गंडियाणुओगे कुलगरगंडियाओ, तित्थयरगंडियाओ,
चक्कवट्टिगंडियाओ, दसारगडियाओ, बलदेवगंडियाओ, वासुदेवगंडियाओ, गणधरगंडियाओ, भद्दबाहुगंडियाओ, तवोकम्मगंडियाओ, हरिवंसगंडियाओ, ओसप्पिणीगंडियाओ, उस्सप्पिणीगंडियाओ, चित्तरगंडियाओ, अमर-नर-तिरिय-निरय-गइगमण-विविह-परियट्टणेसु,' एवमःइयाओ गंडियाओ' आघविज्जति' । सेत्तं गंडियाण
ओगे । सेत्तं अणुओगे।। १२२. से किं तं चूलियाओ ? चुलियाओ-आइल्लाणं चउण्हं पुव्वाण चूलिया, सेसाई
पुवाइं अचूलियाई । सेत्तं चूलियाओ। १२३. दिट्टिवायस्स णं परित्ता वायणा, संखेज्जा अणुओगदारा, संखेज्जा वेढा, संखेज्जा
सिलोगा, संखेज्जाओ पडिवत्तीओ, संखेज्जाओ निज्जुत्तीओ, संखेज्जाओ संगहणीओ। से णं अंगट्ठयाए बारसमे अंगे, एगे सुयक्खंधे, चोद्दस पुव्वाइं, संखेज्जा वत्थू, संखेज्जा चुल्लवत्थू, संखेज्जा पाहुडा, संखेज्जा पाहुडपाहुडा, संखेज्जाओ पाहुडियाओ, संखेज्जाओ पाहुडपाहुडियाओ, संखेज्जाइं पयसहस्साई पयग्गेणं, संखेज्जा अक्खरा, अणंता गमा, अणंता पज्जवा, परित्ता तसा, अणंता थावरा, सासय-कड-निबद्धनिकाइया जिणपण्णत्ता भावा आघविज्जति पण्णविज्जति परूविज्जति दंसिज्जति निदंसिजति उवदंसिज्जति । से एवं आया, एवं नाया, एवं विण्णाया, एवं चरण-करण-परूवणा आघविज्जति ।
सेत्तं दिट्ठिवाए ।। १२४. इच्चेइयम्मि दुवालसंगे गणिपिडगे अणंता भावा, अणंता अभावा, अणता हेऊ,
अणंता अहेऊ, अणंता कारणा, अणंता अकारणा, अणंता जीवा, अणंता अजीवा, अणंता भवसिद्धिया, अणंता अभवसिद्धिया, अणंता सिद्धा, अणंता असिद्धा पण्णत्ता। संगहणी-गाहा
भावमभावा हेऊ, महेऊ कारणमकारणा' चेव ।
जीवाजीवा भवियमभविया सिद्धा असिद्धा य ।।१।। १२५. इच्चेइयं वालसंगं गणिपिडगं तीए काले अणंता जीवा आणाए विराहित्ता चाउ
रंतं संसारकतारं अणुपरियट्टिसु । इच्चेइयं दुवालसंगं गणिपिडगं पडुप्पण्णकाले परित्ता जीवा आणाए विराहित्ता चाउरतं संसारकंतारं अणुपरियट्ट ति । इच्चेइयं दुवालसंग गणिपिडगं अणागए काले अणंता जीवा आणाए विराहित्ता चाउरंतं संसारकंतारं अणुपरियट्टिस्संति ।
१. परियट्टणाणुओगेसु (क, ख)। २. X (क, ख)। ३. आषविज्जति पण्णविज्जति (क, ख)।
४. दुवालसमे (पु)। ५, मकारणे (क,ख)। ६. इच्चेतं (पइण्णग समवाय सू० १३२) सर्वत्र ।
Jain Education International
For Private & Personal Use Only
www.jainelibrary.org
| SR No. | 003556 |
| Book Title | Navsuttani |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 2000 |
| Total Pages | 1316 |
| Language | Prakrit |
| Classification | Book_Devnagari, Agam, & Canon |
| File Size | 29 MB |