Page Text
________________
२७२
नंदी देवलोगगमणाई, सुकुलपच्चायाईओ, पुण बोहिलाभा, अंतकिरियाओ य आघविज्जति । उवासगदसाणं' परित्ता वायणा, संखेज्जा अणुओगदारा, संखेज्जा वेढा, संखेज्जा सिलोगा, संखेज्जाओ निज्जत्तीओ, संखेज्जाओ संगहणीओ, संखेज्जाओ पडिवत्तीओ। से णं अंगट्टयाए सत्तमे अंगे, एगे सुयक्खंधे, दस अज्झयणा, दस उद्देसणकाला, दस समुद्देसणकाला, संखेज्जाइं पयसहस्साइं पयग्गेणं, संखेज्जा अक्खरा, अणंता गमा, अणंता पज्जवा, परित्ता तसा, अणंता थावरा, सासय-कड-निबद्ध-निकाइया जिणपण्णत्ता भावा आघविज्जति, पण्णविज्जति, परूविज्जंति, दंसिज्जंति, निदंसिज्जंति, उवदंसिज्जंति। से एवं आया, एवं नाया, एवं विण्णाया, एवं चरण-करण-परूवणा आधविज्जइ ।
सेत्तं उवासगदसाओ॥ ८८. से कि तं अंतगडदसाओ ? अंतगडदसासु णं अंतगडाणं नगराई, उज्जाणाइं, चेइ
याई, वणसंडाई, समोसरणाइं, रायाणो, अम्मापियरो, धम्मायरिया, धम्मकहाओ, इहलोइय-परलोइया इड्ढिविसेसा, भोगपरिच्चागा, पव्वज्जाओ परिआया, सुयपरिग्गहा, तवोवहाणाइं संलेहणाओ, भत्तपच्चक्खाणाइं, पाओवगमणाई', अंतकिरियाओ य आघविज्जति । अंतगडदसाणं' परित्ता वायणा, संखेज्जा अणुओगदारा, संखेज्जा वेढा, संखेज्जा सिलोगा, संखेज्जाओ निज्जुत्तीओ, संखेज्जाओ संगहणीओ, संखेज्जाओ पडिवत्तीओ। से णं अंगट्टयाए अट्ठमे अंगे; एगे सुयक्खंधे, 'अट्ठवग्गा, अट्ठ उद्देसणकाला, अट्ट समुद्देसणकाला", संखेज्जाइं पयसहस्साइं पयग्गेणं, संखेज्जा अक्खरा, अणंता गमा, अणंता पज्जवा, परित्ता तसा, अणंता थावरा, सासय-कड-निबद्ध-निकाइया जिणपण्णत्ता भावा आपविज्जंति, पण्ण विज्जति परूविज्जति दंसिज्जति निदंसिज्जति उवदंसिज्जति ।
१. दसासु णं (पु)। २. गमणाई देवलोगगमणाई सुकुलपच्चायाइओ
पुणबोहिलाभा (क, ख)। ३. दसासुणं (पु)। ४. अत्र समवायांगे-'दस अज्झरणा सत्त वग्गा
दस उद्देसणकालो दस समुद्देसणकाला' इति पाठो विद्यते । अभयदेवसूरिणा अस्मिन् विषये ऊहापोहः कृतः, किन्तु तेन प्रस्तुता समस्या नैव समाहिता जायते । तथा च वृत्तिः-'दस अज्झयण' ति प्रथमवर्गापेक्षयव घटन्ते, नन्द्यां
तथैव व्याख्यातत्वात्, यच्चेह पठ्यते 'सत्त वग्ग' त्ति तत्प्रथमवर्गादत्यवर्गापेक्षया, यतोऽत्र सर्वेऽप्यष्ट वर्गाः नन्द्यामपि तथापठितत्वात्, तवृत्तिश्चेयं 'अट्ठ वग्ग' त्ति अत्र वर्गः समूहः, स चान्तकृतानामध्ययनानां वा, सर्वाणि
चकवर्गगतानि युगपदुद्दिश्यन्ते ततो भणितं ___ 'अट्ठ उद्देसणकाला' इत्यादि । इह च दश
उद्देशनकाला अधीयन्ते इति नास्याभिप्रायमवगच्छामः ।
Jain Education International
For Private & Personal Use Only
www.jainelibrary.org
| SR No. | 003556 |
| Book Title | Navsuttani |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 2000 |
| Total Pages | 1316 |
| Language | Prakrit |
| Classification | Book_Devnagari, Agam, & Canon |
| File Size | 29 MB |