Page Text
________________
२६८
नंदी
७९. एवमाइयाइं चउरासोइपइण्णगसहस्साई भगवओ अरहओ उसहसामिस्स आइ
तित्थयरस्स । तहा संखिज्जाइपइण्णगसहस्साई मज्झिमगाणं जिणवराणं । चोद्दस पइण्णगसहस्साणि भगवओ वद्धमाणसामिस्स । अहवा-जस्स जत्तिया सीसा उप्पत्तियाए, वेणइयाए, कम्मयाए', पारिणामियाएचउव्विहाए बुद्धोए उववेया, तस्स तत्तियाइ पइण्णगसहस्साई। पत्तेयबुद्धावि
तत्तिया चेव । सेत्तं कालियं । सेत्तं आवस्सयवइरित्तं । सेत्तं अणंगपविट्ठ॥ ८०. से किं तं अंगपविठं ? अंगपविट्ठ दुवालसविहं पण्णत्तं, तं जहा - आयारो,
सूयगडो, ठाणं, समवाओ, वियाहपण्णत्ती', नायाधम्मकहाओ, उवासगदसाओ,
अंतगडदसाओ, अणुत्तरोववाइयदसाओ, पण्हावागरणाइ, विवागसुयं, दिट्ठिवाओ ।। दुवालसंग-विवरण-पदं ८१. से किं तं आयारे? आयारे णं समणाणं निग्गंथाणं आयार-गोयर-विणय-वेणइय
सिक्खा-भासा-अभासा-चरण-करण-जाया-माया-वित्तोओ आघविज्जति । से समासओ पंचविहे पण्णत्ते, तं जहा-नाणायारे, दंसणायारे, चरित्तायारे, तवायारे, वीरियायारे। आयार णं परित्ता वायणा, संखेज्जा अणुओगदारा, संखेज्जा वेढा, संखेज्जा सिलोगा, 'संखेज्जाओ निज्जुत्तीओ, संखेज्जाओ पडिवत्तीओ" । से णं अंगट्ठयाए पढमे अंगे, दो सुयक्खंधा, पणवीसं अज्झयणा, पंचासीइ उद्देसणकाला, पंचासीइ समुद्देसणकाला, अट्ठारसपयसहस्साणि पयग्गेणं, संखेज्जा अक्खरा, अणंता गमा, अणंता पज्जवा, परित्ता तसा, अणंता थावरा, सासय-कड-निबद्धनिकाइया जिणपण्णत्ता भावा आघविज्जति पण्णविज्जंति परूविज्जंति दंसिज्जंति निदंसिज्जति उवदंसिज्जति । से ‘एवं आया, एवं नाया, एवं विण्णाया, एवं चरण-करण-परूवणा आघविज्जइ ।
सेत्तं आयारे॥ ८२. से कि तं सूयगडे ? सूयगडे णं लोए सूइज्जइ, अलोए सूइज्जइ, लोयालोए सूइज्जइ ।
जीवा सूइज्जति, अजीवा सूइज्जति, जीवाजीवा सूइज्जति । ससमए सूइज्जइ, परसमए सूइज्जइ, ससमय-परसमए सूइज्जइ । सूयगडे णं आसीयस्स किरियावाइ-सयस्स, चउरासीइए अकिरियावाईणं, सत्तडीए अण्णाणियवाईणं, बत्तीसाए वेणइयवाईणं-तिण्हं तेसट्ठाणं पावादुय-सयाणं वूह
किच्चा ससमए ठाविज्जइ। १. उसहस्स (चू); सिरिउसहस्स (ह); सिरि- ६. चूणौं एष पाठो व्याख्यातो नास्ति । समवाउसह (म)।
यांगसूत्रेपि अभयदेवसूरिणा नैष पाठो लब्धः। २. कम्मियाए (क, ख)।
समवायांगवृत्ती सूचितमिदम्- इदं च सूत्र ३. विवाह (क, ख)।
पुस्तकेषु न दृष्ट, नन्द्यां तु दृश्यते इतीह ४. संखेज्जाओ पडिवत्तीओ संखेज्जाओ व्याख्यातमिति । निज्जुत्तीओ (चू)।
७. असीयस्स (क, ख)। ५. पंचासीती (प)।
८. पासंडिय (क, ख, म)।
Jain Education International
For Private & Personal Use Only
www.jainelibrary.org
| SR No. | 003556 |
| Book Title | Navsuttani |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 2000 |
| Total Pages | 1316 |
| Language | Prakrit |
| Classification | Book_Devnagari, Agam, & Canon |
| File Size | 29 MB |