Page Text
________________
२६२
नंदी
से जहानामए के इ पुरिसे अव्वत्तं सदं सुणिज्जा, तेणं 'सद्दे ति" उग्गहिए, नो चेव णं जाणइ के वेस सद्दाइ ? तओ ईहं पविसइ, तओ जाणइ अमुगे एस सद्दे । तओ णं अवायं पविसइ, तओ से उवगयं हवइ । तओ धारणं पविसइ,' तओ णं धारेइ संखेज्जं वा कालं, असंखेज्ज वा कालं। से जहानामए केइ पुरिसे अव्वत्तं रूवं पासिज्जा, तेणं रूवे ति उग्गहिए, नो चेव णं जाणइ के वेस रूवे ति ? तओ ईहं पविसइ, तओ जाणइ अमुगे एस रूवे । तओ अवायं पविसइ, तओ से उवगयं हवइ । तओ धारणं पविसइ, तओ णं धारेइ संखेज्जं वा कालं, असंखेज्ज वा कालं।। से जहानामए केइ पुरिसे अव्वत्तं गंध अग्घाइज्जा, तेणं गंधे त्ति उग्गहिए, नो चेव णं जाणइ के वेस गंधे त्ति ? तओ ईहं पविसइ, तओ जाणइ अमुगे एस गधे । तओ अवायं पविसइ, तओ से उवगयं हवइ । तओ धारणं पविसइ, तओ णं धारेइ संखेज वा कालं, असंखेज वा कालं। से जहानामए केइ पुरिसे अव्वत्तं रसं आसाइज्जा, तेणं रसे ति उग्गहिए, नो चेव णं जाणइ के वेस रसे त्ति ? तओ ईहं पविसइ, तओ जाणइ अमुगे एस रसे। तओ अवायं पविसइ, तओ से उवगयं हवइ । तओ धारणं पविसइ, तओ णं धारेइ संखेज्जं वा कालं, असंखेज वा कालं । से जहानामए केइ पुरिसे अव्वत्तं फासं पडिसंवेइज्जा, तेणं फासे त्ति उग्गहिए, नो चेव णं जाणइ के वेस फासे त्ति ? तओ ईहं पविसइ, तओ जाणइ अमुगे एस फासे । तओ अवायं पविसइ, तओ से उवगयं हवइ । तओ धारणं पविसइ, तओ णं धारेइ संखेज्जं वा कालं, असंखेज्ज वा कालं । से जहानामए केइ पुरिसे अव्वत्तं सुमिणं पडिसंवेदेज्जा', तेणं सुमिणेत्ति उग्गहिए, नो चेव णं जाणइ के वेस सुमिणे त्ति ? तओ ईहं पविसइ, तओ जाणइ अमुगे एस सुमिणे । तओ अवायं पविसइ, तओ से उवगयं हवइ। तओ धारणं पविसइ, तओ णं
धारेइ संखेज्जं वा कालं, असंखेज्जं वा कालं । सेत्तं मल्लगदिद्रुतेणं ।। ५४ तं समासओ चउम्विहं पण्णत्तं, तं जहा-दव्वओ, खेत्तओ, कालओ, भावओ। तत्थ
दव्वओ णं आभिणि बोहियनाणी आएसेणं सव्वदव्वाइं जाणइ, न पासइ । खेत्तओणं आभिणिबोहियनाणी आएसेणं सव्वं खेत्तं जाणइ, न पासइ । कालओ णं आभिणिबोहियनाणी आएसेणं सव्वं कालं जाणइ, न पासइ। भावओ णं आभिणिबोहि
यनाणी आएसेणं सव्वे भावे जाणइ, न पासइ। १. सद्दो त्ति (क, ख)।
गंधं अव्वत्तं रसं अव्वत्तं फासं पडिसंवेदेज्जा। २. सद्देत्ति (चू)।
५. रूवेत्ति (क, ख) ३. अणुपविसति (चू)।
६. पासिज्जा (क, ख)। ४. अतः स्पर्शालापकपर्यन्तं चूणौँ हारिभद्रीयवृत्ती ७. सुविणोत्ति (म)।
च संक्षिप्तपाठो दश्यते-एवं अव्वत्तं रूवं अम्वत्तं
Jain Education International
For Private & Personal Use Only
www.jainelibrary.org
| SR No. | 003556 |
| Book Title | Navsuttani |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 2000 |
| Total Pages | 1316 |
| Language | Prakrit |
| Classification | Book_Devnagari, Agam, & Canon |
| File Size | 29 MB |