Page Text
________________
२६.
नंदी
अभए सिट्ठि-कुमारे, देवी उदिओदए' हवइ राया । साहू य नंदिसेणे, धणदत्ते सावग-अमच्चे ॥११॥ खमए' अमच्चपुत्ते, चाणक्के चेव थूलभद्दे य। नासिक्क-सुंदरीनंदे, वइरे परिणामिया बुद्धी ॥१२॥ चलणाहण-आमंडे, मणी य सप्पे य खग्गि-थूभिदे । परिणामियबुद्धीए, एवमाई
उदाहरणा ।।१३।। सेत्तं असुयनिस्सियं ।। ३६. से किं तं सुयनिस्सियं' ? सुयनिस्सियं चउव्विहं पण्णत्तं, तं जहा-उग्गहे ईहा अवाओ
धारणा ।। ४०. से किं तं उग्गहे ? उग्गहे दुविहे पण्णत्ते, तं जहा- अत्थुग्गहे य वंजणुग्गहे य ॥ ४१. से किं तं वंजणुग्गहे ? वंजणग्गहे चउविहे पण्णत्ते, तं जहा–सोइंदियवंजणग्गहे, ___घाणिदियवंजणुग्गहे, जिभिदियवंजणुग्गहे, फासिदियवंजणुग्गहे । सेत्तं वंजणुग्गहे ॥ ४२. से कि तं अत्थुग्गहे ? अत्थुग्गहे छविहे पण्णत्ते, तं जहा-सोइंदियअत्थुग्गहे, चक्खिं
दियअत्थुग्गहे, घाणिदियअत्थुग्गहे, जिभिदियअत्थुग्गहे, फासिंदियअत्थुग्गहे, नोइं
दियअत्थुग्गहे ॥ ४३. तस्स णं इमे एगट्टिया नाणाघोसा नाणावंजणा पंच नामधिज्जा' भवंति, तं जहा
१. ओगेण्हणया २. उवधारणया ३. सवणया ४. अवलंबणया ५. महा। सेत्तं
उग्गहे ॥ ४४. से कि तं ईहा? ईहा छविहा पण्णत्ता, तं जहा-सोइंदियईहा, चक्खिदियईहा,
घाणिदियईहा, जिभिदियईहा, फासिदियईहा, नोइंदियईहा ।। ४५. तीसे 'णं इमे एगट्ठिया नाणाघोसा नाणावंजणा पंच नामधिज्जा" भवंति, तं जहा -
१. आभोगणया २. मग्गणया ३. गवेसणया ४. चिंता ५. वीमंसा । सेत्तं ईहा ।। ४६. से किं तं अवाए ? अवाए छविहे पण्णत्ते, तं जहा-सोइंदियअवाए, चक्खिदिय
अवाए, घाणिदियअवाए, जिभिदियअवाए, फासिदियअवाए, नोइंदियअवाए ॥ ४७. तस्स णं इमे एगढिया नाणाघोसा नाणावंजणा पंच नामधिज्जा भवंति, तं जहा
१. 'आवडणया २. पच्चावट्टणया" ३. अवाए ४. बुद्धो ५. विण्णाणे। सेत्तं अवाए॥
१. उदिएदए (क)। २. खवए (क)। ३,४. यं मतिनाणं (म)। ५. नामधेया (चू,ह)।
६. अवधारणया (क, ख)। ७,८. नामधेया (चू, ह)। ६. आउट्टणया पच्चाउट्टणया (क, ख, चू)।
Jain Education International
For Private & Personal Use Only
www.jainelibrary.org
| SR No. | 003556 |
| Book Title | Navsuttani |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 2000 |
| Total Pages | 1316 |
| Language | Prakrit |
| Classification | Book_Devnagari, Agam, & Canon |
| File Size | 29 MB |