________________
उत्तरल्झयणाणि
२६१. बालमरणाणि बहुसो अकाममरणाणि चेव 'य बहूणि' ।
मरिहिंति' ते वराया जिणवयणं जे न जाणंति ।। २६२. बहुआगमविण्णाणा समाहिउप्पायगा' य गुणगाही ।
एएण कारणेणं अरिहा आलोयणं सोउं ॥ २६३. कंदप्पकोक्कुइयाई तह सीलसहावहासविगहाहिं' ।
विम्हावेतो य परं कंदप्पं भावणं कुणइ ॥ २६४. मंताजोगं काउं भूईकम्मं च जे पउंजंति ।
सायरसइड्डिहेउं अभिओगं भावणं कुणइ ॥ २६५. नाणस्स केवलीणं धम्मायरियस्स संघसाहूणं ।
माई अवण्णवाई कि ब्बि सियं भावणं कुणइ ।। २६६. अणुबद्धरोसपसरो तह य निमित्तम्मि होइ पडिसेवि ।
एएहि कारणेहिं आसुरियं भावणं कुणइ ॥ २६७, सत्थग्गहणं विसभक्खणं च जलणं च जलप्पवेसो य ।
अणायारभंडसेवा जम्मणमरणाणि बंधंति ।। २६८. इइ पाउकरे बुद्धे नायए परिनिव्वुए । छत्तीसं उत्तरज्झाए भवसिद्धीयसंमए'
-त्ति बेमि ।।
निवखेव-पदं
ग्रन्थ परिमाण
अनुष्टप् श्लोक २०५० अक्षर १४
१. बहुयाणि (इ, उ, ऋ, स)। २. मरहंति (उ); मरिहंति (ऋ) । ३. मुपायगा (अ)। ४. कोक्कुयाइं (सु, ब)।
५. हसण (सु, बृ)। ६. मंतं° (अ)। ७. संवुडे (बृपा)।
Jain Education International
For Private & Personal Use Only
www.jainelibrary.org
