________________
२०५
तीसइमं अज्झयणं (तवमग्गगई)
२५. अट्टविहगोयरग्गं तु तहा सत्तेव एसणा ।
अभिग्गहा य जे अन्ने भिक्खायरियमाहिया ॥ २६. खीरद हिसप्पिमाई पणीयं पाणभोयणं ।
- परिवज्जणं रसाणं तु भणियं रसविवज्जणं ।। २७. ठाणा वीरासणाईया जीवस्स उ सुहावहा ।
उग्गा जहा धरिज्जति कायकिलेसं तमाहियं ।। २८. एगंतमणावाए
इत्थीपसुविवज्जिए । सयणासणसेवणया विवित्तसयणासणं २६. एसो बाहिरगतवो समासेण वियाहिओ ।
अभितरं 'तवं एत्तो' वुच्छामि अणुपुत्वसो ।। ३०. पायच्छित्तं विणओ वेयावच्चं तहेव सज्झाओ । __झाणं च विउस्सग्गो' 'एसो अभितरो तवो" ॥ ३१. आलोयणारिहाईयं पायच्छित्तं तु दसविहं ।
जे भिक्खू वहई सम्मं पायच्छित्तं तमाहियं ॥ ३२. अब्भट्टाणं अंजलिकरणं तहेवासणदायणं
गुरुभत्तिभावसुस्सूसा विणओ एस वियाहिओ।। ३३. आयरियमाइयम्मि य वेयावच्चम्मि दसविहे ।
आसेवणं जहाथामं वेयावच्चं तमाहियं ।। ३४. वायणा पुच्छणा चेव तहेव परियट्टणा ।
अणुप्पेहा धम्मकहा सज्झाओ पंचहा भवे ।। ३५. अट्टरुद्दाणि वज्जित्ता झाएज्जा सुसमाहिए ।
धम्मसुक्काई झाणाइं झाणं तं तु बुहा वए । ३६. सयणासणठाणे वा जे उ भिक्खू न वावरे ।
कायस्स विउस्सग्गो छ8ो सो परिकित्तिओ ।। ३७. एयं तवं तु दुविहं जे सम्म आयरे मुणी । 'से खिप्पं सव्वसंसारा विप्पमुच्चइ पंडिए ।
-त्ति बेमि ॥
१. तवो इत्तो (उ, ऋ)। २. भाणं उस्सग्गो वि य (उ, ऋ, स)। ३. अन्भिन्तरओ तवो होइ (उ, ऋ, स)।
४. आयरिमाईए (उ, ऋ)। ५. सो खवेत्तुरयं अरओ नीरयं तु गई गए (बृपा)।
Jain Education International
For Private & Personal Use Only
www.jainelibrary.org
