________________
२०४
उत्तरज्झयणाणि
१०. जो सो इत्तरियतवो सो समासेण छविहो ।
सेढितवो पयरतवो घणो य तह होइ वग्गो य" ।। ११. तत्तो य वग्गवग्गो उ पंचमो छ?ओ पइण्णतवो ।
मणइच्छियचित्तत्थो नायव्यो होइ इत्तरिओ ।। १२. जा सा अणसणा मरणे दुविहा सा वियाहिया ।
सवियारअवियारा' कायचिठें पई भवे ।। १३. अहवा सपरिकम्मा अपरिकम्मा" य आहिया ।
नीहारिमणीहारी आहारच्छेओ य दोसु वि ॥ १४. ओमोयरियं पंचहा समासेण वियाहियं ।
दव्वओ खेत्तकालेणं' भावेणं पज्जवेहि य॥ १५. जो जस्स उ आहारो तत्तो ओम' तु जो करे ।
जहन्नेणेगसित्थाई एवं दव्वेण ऊ भवे ।। १६ गामे नगरे तह रायहाणि-निगमे य आगरे पल्ली ।
खेडे कब्बडदोणमुह-पट्टणमडंबसंबाहे ॥ १७. आसमपए विहारे सन्निवेसे समायघोसे य।
थलिसेणाखंधारे सत्थे संवट्टकोट्टे य ।। १८. वाडेसु व रच्छासु व घरेसु वा एवमित्तियं खेत्तं ।
कप्पइ उ एवमाई एवं खेत्तेण ऊ भवे ।। १६. पेडा य अद्धपेडा गोमुत्तिपयंगवीहिया चेव । संबुक्कावट्टाययगंतु पच्चागया
छट्टा ॥ २०. दिवसस्स • पोरुसीणं चउण्हं पि उ जत्तिओ भवे काले ।
एवं . चरमाणो खलु कालोमाणं मुणेयव्वों ।। २१. अहवा तइयाए पोरिसीए ऊणाइ घासमेसंतो ।
चउभागूणाए वा एवं कालेण ऊ भवे ।। २२. इत्थी वा पुरिसो वा अलंकिओ वाणलंकिओ वा वि ।
अन्नयरवयत्थो वा अन्नयरेणं व वत्थेणं ।। २३. अन्नेण . विसेसेणं वण्णेणं भावमणुमयंते उ।
एवं चरमाणो खलु भावोमाणं मुणयन्वो । २४. दव्वे खेत्ते काले भावम्मि य आहिया उ जे भावा ।
एएहिं ओमचरओ पज्जवचरओ भवे भिक्खू ॥
१. वग्गो चउत्थो उ (अ)। २. सवियारमवियारा (उ, ऋ, सु, बू)। ३. सपडिकम्मा अपडिकम्मा (अ)। ४. ओमोयरणं (अ, ऋ, बृपा)। ५. खेत्त काले य (अ); खित्तो काले (ऋ)।
६. भावओ (अ)। ७. ऊणं (अ)। ८. संबुक्कावट्टा+आययगंतुं = संबुक्कावट्टाययगतं । ६. मुणेयव्वं (उ, ऋ)। १०. मुणेयव्वं (उ, ऋ)।
.
Jain Education International
For Private & Personal Use Only
www.jainelibrary.org
