Page Text
________________
एगूणतीसइमं अज्झयणं ( सम्मत्तपरक्कमे )
१६७
२६. एगग्गमणसन्निवेसणयाए णं भंते ! जीवे किं जणयइ ? एगग्गमणसन्निवेसणयाए णं चित्तनिरोहं करे ||
२७. संजमेण भंते ! जीवे किं जणयइ ? संजमेणं अणण्हयत्तं जणयइ ॥
२८. तवेणं भंते ! जीवे किं जणयइ ? तवेणं वोदाणं जणयइ ॥
२६. वोदाणेण भंते ! जीवे किं जगयइ ? वोदाणेणं अकिरियं जणयइ । अकिरियाए भवित्ता तओ पच्छा सिज्झइ बुज्झइ मुच्चइ परिनिव्वाएइ सव्वदुक्खाणमंत करेइ ॥
३०. सुहसाएणं' भंते ! जीवे किं जणयइ ? सुहसाएणं अणुस्सुयत्तं जणयइ । अणुस्सुयाए जीवे अणुकंप अणुब्भडे विगयसोगे चरितमोहणिज्जं कम्मं खवेइ ||
३१. अप्पडिबद्धयाए णं भंते ! जीवे किं जणयइ ? अप्पडिबद्धयाए णं निस्संगत्तं जणयइ । निस्संगते' जीवे एगे एगग्गचित्ते दिया य राओ य असज्जमाणे अप्पडिबद्धे यावि विहरइ ॥
३२. विवित्तसयणासणयाए' णं भंते ! जीवे किं जणयइ ? विवित्तसयणासणयाए णं चरिगुत्ति जणयइ । चरितगुत्ते य णं जोवे विवित्ताहारे दढचरिते एगंतरए मोक्खभावविन्ने अहिकम्मगंठि निज्जरेइ ||
३३. विणियट्टणयाए णं भंते ! जीवे किं जणयइ ? विणियट्टणयाए णं पावकम्माणं अकरणयाए अब्भुट्ठेइ, पुव्वबद्धाण य निज्जरणयाए तं नियत्तेइ, तओ पच्छा चाउरंत संसारकंतारं वीइवयइ ॥
३४. संभोगपच्चक्खाणं भंते ! जीवे किं जणयइ ? संभोगपच्चक्खाणेणं आलंबणाई खवेइ । निरालंबणस्स य आययट्ठिया जोगा भवंति । सएणं लाभेण संतुस्स इ, परलाभं 'नो आसाएइ" नो तक्केइ नो पीहेइ नो पत्थेइ नो अभिलसइ । परलाभं अणासायमाणे अतक्केमाणे अपी हेमाणे अपत्येमाणे अणभिलसमाणे दुच्चं सुहसेज्जं उवसंपज्जित्ताणं विहरइ ॥
३५. उवहिपच्चक्खाणं भंते ! जीवे किं जणयइ ? उवहिपच्चक्खाणेणं अपलिसंयं जणइ । निरुहिए गं जीवे निक्कखे उवहिमंत रेण य न संकिलिस्सई ॥
३६. आहारपच्चक्खाणं भंते ! जीवे किं जणयइ ? आहारपच्चक्खाणं जीवियासंसप्पओगं' वोच्छ्दिइ, वोच्छिदित्ता' जीवे आहारमंतरेणं न संकिलिस्साइ ॥
१. सुहसायाणं ( अ, आ, इ, उ, ऋ); सुहसाइयाएणं (बृ); सुहसायाएणं, (वृपा) ।
सुहसाएणं
२. निस्संत्तं गएणं (उ, ऋॠ) ।
३. सयणासण सेवणयाए (आ, इ) ।
Jain Education International
४. तुस्सइ (उ, ऋ) ।
५. X (उ, ऋ, बृ) ।
६. एतच्च पदं क्वचिदेव दृश्यते (बृ ) ।
७. जीवियासविप्पओगं ( बृपा ) ।
८. वोच्छिदिय ( बृपा) ।
For Private & Personal Use Only
www.jainelibrary.org
| SR No. | 003556 |
| Book Title | Navsuttani |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 2000 |
| Total Pages | 1316 |
| Language | Prakrit |
| Classification | Book_Devnagari, Agam, & Canon |
| File Size | 29 MB |