Page Text
________________
१६६
उत्तरज्झयणाणि
१७. पायच्छित्तकरणं भंते ! जीवे कि जणयइ ? पायच्छित्तकरणेणं पावकम्मविसोहि ters, निरइयारे यावि भवइ । सम्मं च णं पायच्छित्तं पडिवज्जमाणे मग्गं च मग्गफलं च विसोहेइ आयारं च आयारफलं च आराहेइ ॥
१८. खमावणयाए णं भंते ! जीवे कि जणयइ ? खमावणयाए णं पल्हायणभावं' जणयइ । पहायणभावमुवगए य सव्वपाणभूयजीवसत्तेसु मित्तीभावमुप्पाएइ । मित्तीभावare यावि जीवे भावविसोहि काऊण निब्भए भवइ ||
१६. सज्झाएण भंते ! जीवे किं जणयइ ? सज्झाएण नाणावरणिज्जं कम्मं खवेइ ||
२०. वायणाए णं भंते ! जीवे किं जणयइ ? वायणाए णं निज्जरं जणयइ, सुयस्स य ‘अणासायणाए वट्टए ं । सुयस्स अणासायणाए वट्टमाणे तित्थधम्मं अवलंबइ | तित्थधम्मं अवलंबमाणे महानिज्जरे महापज्जवसाणे भवइ ।।
२१. पडिपुच्छणयाए णं भंते ! जीवे किं जणयइ ? पडिपुच्छणयाए णं सुत्तत्थतदुभयाई विसोहेइ । कंखामोहणिज्जं कम्मं वोच्छिदइ ॥
२२. परियट्टणाए णं भंते ! जीवे किं जणयइ ? परियट्टणाए णं वंजणाई जणयइ, वंजणलद्धि
च उप्पाएइ ॥
२३. अणुप्पेहाए णं भंते ! जीवे किं जणयइ ? अणुप्पेहाए णं आउयवज्जाओ सत्तकम्मप्पगडीओ घणि बंधणबद्धाओ सिढिलबंधणबद्धाओ पकरेइ दीहकालट्ठियाओ हस्तकालयाओ पकरेइ, तिव्वाणुभावाओ मंदाणुभावाओ पकरेइ, 'बहुपएस - गाओ अप्पपसग्गाओ पकरेइ", आउयं च णं कम्मं सिय बंधइ सिय नो बंधइ । 'असा यावेयणिज्जं च णं कम्मं नो भुज्जो भुज्जो उवचिणाइ" अणाइयं च णं अणवदग्गं दीहमद्धं चाउरंतं संसारकंतारं खिप्पामेव वीइवयइ ।।
२४. धम्मकहाए' णं भंते ! जीवे किं जणयइ ? धम्मकहाए णं निज्जरं जणयइ । धम्मक - हाए णं पवयणं पभावेइ । पवयणप्रभावे णं जीवे आगमिसस्स भद्दत्ताए कम्मं निबंध ||
२५. सुयस आराहणयाए णं भंते ! जीवे किं जणयइ ? सुयस्स आराहणयाए णं अण्णाणं खवेइ न य संकिलिस्सइ ॥
१. पल्हाएणंतभावं (बृ.) ; पल्हायणभावं ( बृपा ) .
२. अणुसज्जणा वट्ट (बृपा) ।
३. चिन्हाङ्कितः पाठो बृहद्वृत्तौ नास्ति स्वीकृतः, केवलं पाठान्तररूपेण उल्लिखितोस्ति - क्वचिदिदमपि दृश्यते - बहुपएसग्गाओ अप्पपएसग्गातो पकरेति ।
४. सायायेय णिज्जं च णं कभ्मं भुज्जो भुज्जो
Jain Education International
उवचिणाइ ( बृपा ) |
५. बृहद्वृत्ते व्र्व्याख्यानुसारेण 'धम्मकहाए णं निज्जरं जणयइ, आगमिसस्स भद्दत्ताए कम्मं निबंधई' एतावानेव पाठो दृश्यते । तत्र 'निज्जरं जणयई' इति स्थाने पाठान्तरं व्याख्यातमस्ति - पाठान्तरतश्च प्रवचनं प्रभावयति । 'पवयणपभावे णं जीवे' इति पाठस्य नास्ति कश्चिद् उल्लेखः ।
For Private & Personal Use Only
www.jainelibrary.org
| SR No. | 003556 |
| Book Title | Navsuttani |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 2000 |
| Total Pages | 1316 |
| Language | Prakrit |
| Classification | Book_Devnagari, Agam, & Canon |
| File Size | 29 MB |