________________
सोलसमं अज्झयणं बम्भचेरसमाहिठाणं
१. सुयं मे आउसं ! तेणं भगवया एवमक्खायं-इह खलु थेरेहिं भगवंतेहिं दस बंभचेरसमाहिठाणा पण्णत्ता, जे भिक्खू सोच्चा निसम्म संजमबहुले संवरबहुले समाहिबहुले गुत्ते गृत्तिदिए गुत्तबंभयारी सया अप्पमत्ते विहरेज्जा।
२. कयरे खलु ते थेरेहिं भगवंतेहि दस बंभचेरसमाहिठाणा पण्णत्ता, जे भिक्खू सोच्चा निसम्म संजमबहुले संवरबहुले समाहिबहुले गुत्ते गुत्तिदिए गुत्तबंभयारी सया अप्पमत्ते विहरेज्जा ?
३. इमे खलु ते थेरेहिं भगवंतेहिं दस बंभचेरसमाहिठाणा पण्णत्ता, जे भिक्खू सोच्चा निसम्म संजमबहुले संवरबहुले समाहिबहुले गुत्ते गुत्तिदिए गुत्तबंभयारी सया अप्पमत्ते विहरेज्जा, तं जहा--'विवित्ताई सयणासणाई सेविज्जा', से निग्गंथे। नो इत्थीपसुपंडगसंसत्ताइ सयणासणाई सेवित्ता हवइ, से निग्गथे।
तं कहमिति चे?
आयरियाह-निग्गंथस्स खलु इत्थीपसुपंडगसंसत्ताइ सयणासणाई सेवमाणस्स बंभयारिस्स बंभचेरे संका वा, कंखा वा, वितिगिच्छा वा समुप्पज्जिज्जा, भेयं वा लभेज्जा, उम्मायं वा पाउणिज्जा, दीहकालियं वा रोगायंकं हवेज्जा, केवलिपण्णत्ताओ वा' धम्माओ भंसेज्जा । तम्हा नो इत्थिपसुपंडगसंसत्ताई सयणासणाई सेवित्ता हवइ, से निग्गंथे।
४. नो इत्थीणं कहं कहित्ता हवइ, से निग्गंथे । तं कहमिति चे?
आयरियाह-निग्गंथस्स खलु इत्थीणं कहं कहेमाणस्स, बंभयारिस्स बंभचेरे संका वा, कंखा वा, वितिगिच्छा वा समुप्पज्जिज्जा, भेयं वा लभेज्जा, उम्मायं वा पाउणिज्जा,
१. सेविज्जा हवइ (उ)। २. 'विवित्ताई सपणासणाई से विज्जा से निग्गन्थे'
__ एष पाठश्चूणों नास्ति व्याख्यातः। ३. ४ (इ, उ)।
१३८
Jain Education International
For Private & Personal Use Only
www.jainelibrary.org
