________________
पनरसमं अज्झयणं (सभिक्खुयं) ११. सयणासणपाणभोयणं विविहं खाइमसाइमं परेसि ।
अदए पडिसेहिए नियंठे जे तत्थ न पउस्सई स भिक्खू ॥ १२. जं किंचि आहारपाणं' विविहं खाइमसाइमं परेसिं लधु ।
जो तं तिविहेण नाणुकंपे मणवयकायसुसंवुडे स भिक्खू ।। १३. आयामगं चेव जवोदणं च 'सीयं च सोवीरजवोदगं च ।
नो हीलए पिंडं नीरसं तु पंतकुलाइं परिव्वए स भिक्खू ॥ १४. सद्दा विविहा भवंति लोए दिव्वा 'माणुस्सगा तहा तिरिच्छा"।
भीमा भयभेरवा उराला जो सोच्चा न वहिज्जई स भिक्खू ।। १५. वादं विविहं समिच्च लोए सहिए खेयाणुगए य कोवियप्पा ।
पण्णे अभिभूय सव्वदंसी उवसंते अविहेडए' स भिक्खू ।। १६. असिप्पजीवी' अगिहे अमित्ते जिइंदिए सव्वओ विप्पमुक्के । अणुक्कसाई लहुअप्पभक्खी चेच्चा गिहं एगचरे स भिक्खू ।।
-त्ति बेमि ॥
१. वाहार (अ)। २. सीयं सुवीरं च जवोदगं च (स, सु)। ३. माणुस्सया तिरिच्छा य (चू)।
४. वहिए (उ)। ५. उविहेडए (उ)। ६. असिप्पजीवे (ब)।
Jain Education International
For Private & Personal Use Only
www.jainelibrary.org
