Page Text
________________
बारसमं अज्झयणं (हरिएसिज्ज)
१२७ २६. गिरि नहेहिं खणह अयं दंतेहिं खायह ।
जायतेयं पाएहि हणह जे भिक्खं अवमन्नह ।। २७. आसीविसो उग्गतवो महेसी घोरव्वओ घोरपरक्कमो य ।
अगणि व पक्खंद पयंगसेणा जे भिक्खुयं भत्तकाले वहेह' । २८. सीसेण एवं सरणं उवेह समागया सव्वजणेण तुब्भे ।
जइ इच्छह जीवियं वा धणं वा 'लोग पि एसो कुविओ डहेज्जा ॥ २६. अवहेडिय' पिट्ठिसउत्तमंगे पसारिया बाहु अकम्मचेर्यो ।
निब्भेरियच्छे रुहिरं वमते उड्ढं मुहे निग्गयजीहनेत्ते ।। ३०. ते पासिया खंडिय कट्ठभूए विमणो विसण्णो अह माहणो सो ।
इसि पसाएइ सभारियाओ हीलं च निदं च खमाह भते ! ॥ ३१. बालेहि मूढेहि अयाणएहिं जं हीलिया तस्स खमाह भंते ! ।
महप्पसाया इसिणो हवंति न हु मुणी कोवपरा हवंति ।। ३२. 'पुवि च इण्हि च अणागयं च" मणप्पदोसो न मे अत्थि कोइ ।
जक्खा हु वेयावडियं करेंति तम्हा हु एए निहया कुमारा ॥ ३३. अत्थं च धम्म च वियाणमाणा तुब्भे न वि कुप्पह भूइपण्णा ।
तुब्भं तु पाए सरणं उवेमो समागया सव्वजणेण अम्हे ।। ३४. अच्चेमु ते महाभाग ! न ते किंचि न अच्चिमो। भुंजाहि सालिम कूरं
नाणावंजणसंजुयं ॥ ३५. इमं च मे अत्थि पभूयमन्नं तं भुंजसू अम्ह अणुग्गहट्ठा ।
बाढं ति पडिच्छइ भत्तपाणं मासस्स ऊ पारणए महप्पा । ३६. तहियं
गंधोदयपुप्फवासं दिव्वा तहि वसहारा य वटा । पहयाओ' दुंदुहीओ सुरेहिं आगासे अहो दाणं च घुळं ।। ३७. सक्खं खु दीसइ तवोविसेसो न दीसई जाइविसेस कोई । _ 'सोवागपुत्ते हरिएससाहू' जस्सेरिसा इड्ढि महाणुभागा ॥ ३८. किं माहणा ! जोइसमारभंता उदएण सोहि बहिया विमग्गहा ? । ____ जं मग्गहा बाहिरियं विसोहि न त सुदिट्ठ कुसला वयंति ।। ३६. कुसं च जूवं तणकट्ठमग्गि सायं च पायं उदगं फुसंता ।
पाणाइ भूयाइ विहेडयंता भुज्जो वि मंदा ! पगरेह पावं ॥ ४०. कहं चरे ? भिक्खु ! वयं जयामो ? पावाइ कम्माइ पणोल्लयामो? ।
___अक्खाहि णे संजय ! जक्खपूइया ! कहं सुजठं कुसला वयंति ?॥ १. हणेह (ऋ)।
च पच्छा व अणागयं च (चू)। २. एसो हु कुवो व सुहं दहेज्जा (चू)।
५. महाभागा! (अ, उ, ऋ) । ३. आवडिय (बृपा)
६. पहया (उ, ऋ)। ४. पुम्वि च पच्छा व तहेव मज्झे (बृपा); पुम्बि ७. सोवागपुत्तं हरिएससाहं (बृपा) ।
Jain Education International
For Private & Personal Use Only
www.jainelibrary.org
| SR No. | 003556 |
| Book Title | Navsuttani |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 2000 |
| Total Pages | 1316 |
| Language | Prakrit |
| Classification | Book_Devnagari, Agam, & Canon |
| File Size | 29 MB |