Page Text
________________
१२६
उत्तरज्झयणाणि
११. उवक्खडं भोयण माहणाणं अत्तट्ठियं सिद्धमिहेगपक्खं । ___ न ऊ वयं एरिसमन्नपाणं दाहामु तुझं किमिहं ठिओसि ?। १२. थलेसु बीयाइ ववंति कासगा तहेव निन्नेसु य आससाए ।
एयाए सद्धाए दलाह मझं 'आराहए पुण्णमिणं खु खेत्तं"। १३. खेत्ताणि अम्हं विइयाणि लोए जहिं पकिग्णा विरुहंति पुण्णा ।
जे माहणा जाइविज्जोववेया ताई तु खेत्ताइं सुपेसलाई । १४. कोहो य माणो य वहो य जेसि मोसं अदत्तं च परिग्गरं च ।
ते माहणा जाइविज्जाविहूणा ताई तु खेत्ताइ सुपावयाई॥ १५. तुब्भेत्थ भो ! भारघरा' गिराणं अटुं न जाणाह अहिज्ज वेए ।
उच्चावयाइं मुणिणो चरंति ताइं तु खेत्ताई सुपेसलाई॥ १६. अज्झावयाणं पडिकूलभासी पभाससे किं तु सगासि अम्हं ।
अवि. एयं विणस्सउ अन्नपाणं' न य णं दाहामु तुमं नियंठा! ॥ १७. समिई हि मज्झं सुसमाहियस्स गुत्तीहि गुत्तस्स जिइंदियस्स ।
जइ मे न दाहित्य अहेसणिज्जं किमज्ज जण्णाण लहित्थ लाहं ? ।। १८. के एत्थ खत्ता उवजोइया वा अज्झावया वा सह खंडिएहिं ।
एय दंडेण फलेण हंता कंठम्मि घेत्तूण खलेज्ज जो णं?॥ १६. अज्झावयाणं वयणं सुणेत्ता उद्धाइया तत्थ बहू कुमारा।
दंडेहि वित्तेहि कसेहि चेव समागया तं 'इसि तालयंति॥ २०. रन्नो तहिं कोसलियस्स धूया भद्द त्ति नामेण अणिदियंगी।
तं पासिया संजय हम्ममाणं कुद्धे कुमारे परिनिव्ववेइ । २१. देवाभिओगेण निओइएणं दिन्ना मु रण्णा मणसा न झाया।
नरिंददेविंदऽभिवंदिएणं जेणम्हि वंता इसिणा स एसो॥ २२. एसो हु सो उग्गतवो महप्पा जिइंदिओ संजओ बंभयारी।
'जो में तया नेच्छइ दिज्जमाणि पिउणा सयं कोसलिएण रण्णा ॥ २३. महाजसो एस महाणुभागों घोरव्वओ घोरपरक्कमो य ।
मा एयं हीलह अहीलणिज्जं मा सव्वे तेएण भे निद्दहेज्जा ॥ २४. एयाइं तीसे वयणाइ सोच्चा पत्तीइ भद्दाइ सुहासियाई ।
इसिस्स वेयावडियट्ठयाए जक्खा कुमारे विणिवाडयंति ॥ २५. ते घोररूवा ठिय अंतलिक्खे असरा तहिं तं जणं तालयंति ।
ते भिन्नदेहे रुहिरं वमंते पासित्तु भद्दा इणमाहु भुज्जो ॥ १. आराधका होधिम पुण्ण खेत्तं (चू) आराहगा ५. इसिं ताडयंति (उ, ऋ)। होहिम पुण्ण खेत्तं (बृपा) ।
६. जो मं (अ, आ)। २. भारवहा (बृपा)।
७. महानुभावो (बृपा, चू)। ३. भत्तपाणं (ऋ)।
८. विणिवारयति (बृपा)। ४. एयं खु (अ, उ); एयं तु (आ)।
Jain Education International
For Private & Personal Use Only
www.jainelibrary.org
| SR No. | 003556 |
| Book Title | Navsuttani |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 2000 |
| Total Pages | 1316 |
| Language | Prakrit |
| Classification | Book_Devnagari, Agam, & Canon |
| File Size | 29 MB |