________________
नवमं अज्झयणं (नमिपश्वज्जा)
४५. एयमढ़ निसामित्ता हेऊकारणचोइओ ।
तओ नमि रायरिसि दविदो इणमब्बवी ॥ ४६. हिरण्णं सुवण्णं मणिमुत्तं कसं दूसं 'च वाहणं" ।
कोसं वड्ढावइत्ताणं तओ गच्छसि खत्तिया ! ।। ४७. एयमट्ठ निसामित्ता हेऊकारणचोइओ ।
तओ नमो रायरिसी देविदं इणमब्बवी ।। ४८. सुवण्णरुप्पस्स उ' पव्वया भवे सिया हु केलाससमा असंखया ।
नरस्स लुद्धस्स न तेहि' किंचि इच्छा हु आगाससमा अणंतिया ।। ४६. पुढवी साली जवा चेव हिरण्णं पसुभिस्सह ।
पडिपुण्णं' नालमेगस्स इइ विज्जा तव चरे ।। ५०. एयम; निसामित्ता हेऊकारणचोइओ
तओ नमि रायरिसि देविदो इणमब्बवी ।। ५१. अच्छेरगमब्भुदए भोए चयसि' पत्थिवा ! ।
असंते कामे पत्थेसि संकप्पेण विहन्नसि ।। ५२. एयम© निसामिता हेऊकारणचोइओ ।
तओ नमी रायरिसी देविद इणमब्बवी ।। ५३. सल्लंकामा विसं कामा कामा आसीविसोवमा ।
कामे पत्थेमाणा अकामा जंति दोग्गई ।। ५४. अहे वयइ कोहेणं माणेणं अहमा गई ।
माया गइपडिग्घाओ लोभाओ दुहओ भयं ।। ५५ अवउझिऊण माहणरूवं विउव्विऊण इंदत्तं ।
वंदइ अभित्थुणंतो इमाहि महुराहि वग्नहिं ।। ५६. अहो! ते निज्जिओ कोहो अहो! ते माणो पराजिओ।
अहो! ते निरक्किया माया अहो! ते लोभो वसीकओ। ५७. अहो! ते अज्जवं साहु अहो! ते साहु मद्दवं ।
अहो! ते उत्तमा खंती अहो! 'ते मुत्ति उत्तमा ।। ५८. इहं सि उत्तमो भंते! पेच्चा होहिसि उत्तमो ।
लोगुत्तमुत्तमं ठाणं सिद्धि गच्छसि नीरओ ।। ५६. एवं अभित्थणंतो रायरिसिं स्तमाए सद्धाए ।
__ पयाहिणं करेंतो पुणो पुणो वंदई सक्को॥ १. सवाहणं (बृपा, चू)।
५. जहासि (बृ); चयसि (बृपा)। २. य (अ)।
६. खत्तिया (बपा)। ३. तेण (बपा)।
७. लोगुत्तममुत्तमं (बृपा) । ४. सव्वंतं (बृपा)।
८. पायाहिणं (बृ)।
Jain Education International
For Private & Personal Use Only
www.jainelibrary.org
