________________
११६
उत्तरज्झयणाणि
२६. एयमझें निसामित्ता हेऊकारणचोइओ ।
तओ नमी रायरिसी देविदं इणमब्बवी ॥ ३०. असई तु मणुस्सेहि मिच्छा दंडो पजंजई ।
___ अकारिणोऽत्थ बझति मुच्चई कारओ जणो॥ ३१. एयमट्ठ निसामित्ता हेऊकारणचोइओ ।
तओ नमि रायरिसिं देविदो इणमब्बवी । ३२. जे केइ पत्थिवा तुब्भं' नानमंति नराहिवा ! ।
बसे ते ठाव इत्ताणं तओ गच्छसि खत्तिया ! ।। ३३. एयमट्ठ निसामित्ता हेऊकारणचोइओ ।
तओ नमी रायरिसी देविदं इणमब्बवी ॥ ३४. जो सहस्सं सहस्साणं संगामे दुज्जए जिणे ।
एगं जिणज्ज अप्पाणं एस से परमो जओ ।। ३५. अप्पाणमेव जुज्झाहि किं ते जुज्मेण बज्झओ ।
अप्पाणमेव' अप्पाणं जइत्ता सुहमेहए । ३६. पंचिदियाणि कोहं माणं मायं तहेव लोहं च ।
दुज्जयं चेव अप्पाणं सव्वं अप्पे जिए जियं ।। ३७. एयमठें निसामित्ता हेऊकारणचोइओ ।
तओ नमि रायरिसिं देविंदो इणमब्बवी । ३८. जइत्ता विउले जण्णे भोइत्ता समणमाहणे ।
दच्चा भोच्चा य जट्ठा य तओ गच्छसि खत्तिया ! ॥ ३६. एयम निसामित्ता हेऊकारणचोइओ ।
तओ नमी रायरिसी देविदं इणमब्बवी ।। ४०. जो सहस्सं सहस्साणं मासे मासे गवं दए ।
तस्सावि संजमो सेओ अदितस्स वि किंचण ।। ४१. एयमठें निसामित्ता हेऊकारणचोइओ ।
तओ नमि रायरिसिं देविदो इणमब्बवी॥ ४२. घोरासमं चइत्ताणं अन्नं पत्थेसि आसमं ।
इहेव पोसहरओ भवाहि मणुयाहिवा ! ॥ ४३. एयमठं निसामित्ता हेऊकारणचोइओ ।
तओ नमी रायरिसी देविंदं इणमब्बवी ॥ ४४. मासे मासे तु जो बालो कुसग्गेण तु मुंजए ।
न सो सुयक्खायधम्मस्स कलं अग्घइ सोलसिं ॥ १. तुझं (बृपा)।
३. जहित्ताणं (बृपा)। २. अप्पणा चेव (अ)।
४. व (अ)।
Jain Education International
For Private & Personal Use Only
www.jainelibrary.org
