________________
नवमं अज्झयणं नमिपव्वज्जा
१. चइऊण देवलोगाओ उववन्नो माणुसंमि लोगंमि ।
उवसंतमोहणिज्जो सरई पोराणियं जाइ। २. जाई सरित्तु भयवं सहसंबुद्धो अणुत्तरे धम्मे ।
पुत्तं ठवेत्तु रज्जे अभिणिक्खमई नमी राया ।। ३. सो देवलोगसरिसे अंतेउरवरगओ वरे भोए । ___ जित्तु' नमी राया बुद्धो भोगे परिच्चयई ।। ४. मिहिलं सपुरजणवयं बलमोरोहं च परियणं सव्वं ।
चिच्चा अभिनिक्खंतो एगंतमहिडिओ भयवं ॥ ५. कोलाहलगभूयं आसी मिहिलाए पव्वयंतंमि । ___तइया रायरिसिमि नमिमि अभिणिक्खमंतंमि ॥ ६. अब्भुट्ठियं रायरिसिं पव्वज्जाठाणमुत्तमं ।
सक्को माहणरूवेण इमं वयणमब्बवी ॥ ७. किण्णु भो! अज्ज मिहिलाए कोलाहलगसंकुला । ___ सुव्वंति दारुणा सद्दा पासाएसु गिहेसु य ?॥ ८. ण्यमटठं निसामित्ता देऊकारणचोइओ ।
तओ नमी रायरिसी देविदं इणमब्बवी ॥ ६. मिहिलाए चेइए वच्छे सीयच्छाए मणोरमे ।
पत्तपुप्फफलोवेए बहूणं बहुगुणे सया । १०. वाएण हीरमाणंमि चेइयंमि मणोरमे ।
दुहिया असरणा अत्ता एए कंदंति भो ! खगा ।। ११. एयमढं निसामित्ता हेऊकारणचोइओ ।
तओ नमि रायरिसि देविदो इणमब्बवी ।। १२. एस अग्गी य वाऊ य एयं डझइ मंदिरं ।
भयवं! अंतेउरं तेणं कीस णं नावपेक्खसि ?। १. भोत्तूण (चूपा)।
२. नावपिक्खह (अ)। ११४
Jain Education International
For Private & Personal Use Only
www.jainelibrary.org
