Page Text
________________
अट्टमं अज्झयणं (काविलीयं)
११३
६. पाणे य नाइवाएज्जा से 'समिए त्ति वुच्चई ताई ।
तओ से पावयं कम्मं निज्जाइ उदगं व थलाओ। १०. 'जगनिस्सिएहिं भूएहिं तसनामेहि थावरेहि च।"
नो तेसिमारभे दंडं मणसा वयसा कायसा चेव ॥ ११. सुद्धसणाओ नच्चाणं तत्थ ठवेज्ज भिक्खू अप्पाणं ।
जायाए घासमेसेज्जा रसगिद्धे न सिया भिक्खाए । १२. पंताणि चेव सेवेज्जा सीयपिंडं पुराणकुम्मासं ।
अदु वुक्कसं पुलागं वा 'जवणट्ठाए निसेवए" मंथु ।। १३. जे लक्खणं च सुविणं च अंगविज्जं च जे पउंजंति ।
न हु ते समणा वुच्चंति एवं आयरिएहि अक्खायं ।। २४. इह जीवियं अणियमेत्ता पन्भट्ठा समाहिजोएहि ।
ते कामभोगरसगिद्धा उववज्जति आसुरे काए । १५. तत्तो वि य उवट्टित्ता संसारं बहु अणुपरियडंति ।
बहकम्मलेवलित्ताणं बोही होइ सदुल्लहा तेसि ।। १६. कसिणं पि जो इमं लोयं पडिपण्णं दलेज्ज इक्कस्स ।
तेणावि से न संतुस्से इइ दुप्पूरए इमे आया । १७. जहा लाहो तहा लोहो लाहा लोहो पवड्ढई ।
दोमासकयं कज्जं कोडीए वि न निद्रियं ।। १८. नो रक्खसीसु गिज्झज्जा गंडवच्छासऽणेगचित्तासु
जाओ पुरिसं पलोभित्ता खेल्लंति जहा व दासेहिं ॥ १६. नारीस नो पगिज्झज्जा इत्थी विप्पजहे अणगारे ।
धम्मं च पेसलं नच्चा तत्थ ठवेज्ज भिक्खू अप्पाणं । २०. इइ एस धम्मे अक्खाए कविलेणं च विसद्धपण्णणं । तरिहिंति जे उ काहिंति तेहिं आराहिया दुवे लोग ।।
–त्ति बेमि ॥
१. समीए त्ति (अ); समीइ त्ति (उ, ऋ); ५. जवणट्ठा वा सेवए (ब); जवणट्टाए णिसेवए समिय त्ति (चू)।
(बृपा)। २. णिण्णाइ (चू, बृपा)।
६. आरिएहिं (अ, बृ)। ३. जगनिस्सियाण भूयाणं तसाणं थावराण य ७. अणपरिति (चू); अनुपरियटुंति (ऋ); (बृपा); जगणिसित भूताणं तसणामाणं च अनुपरियति (अ, बृ०); अनुचरंति (बृपा)। थावराणं च (चू); जगनिस्सितेसु थावरणामेसु ८. जत्थ (बृपा) । भूतेसु तसणामेसु वा (चूपा); जगनिस्सिएहिं ६. तुसिज्जा (अ, ऋ); तुसिज्ज (उ); (सं) भूएहिं तसनामेहिं थावरेहिं वा (चूपा) ।
तुस्से (चू)। ४. वक्कसं (चू)।
Jain Education International
For Private & Personal Use Only
www.jainelibrary.org
| SR No. | 003556 |
| Book Title | Navsuttani |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 2000 |
| Total Pages | 1316 |
| Language | Prakrit |
| Classification | Book_Devnagari, Agam, & Canon |
| File Size | 29 MB |