________________
१०१
तइयं अज्झयणं (चाउरंगिज्ज)
११. माणुसत्तंमि आयाओ जो धम्म सोच्च सद्दहे ।
तवस्सी बीरियं लद्धं संवुडे निद्धणे रयं ।। १२. 'सोही उज्जुयभूयस्स धम्मो सुद्धस्स चिट्ठई ।
निव्वाणं परमं जाइ 'घयसित्त व्व'' पावए' ।। १३. विगिच' कम्मुणों हेउं जसं संचिण खंतिए ।
पाढवं सरीरं हिच्चा उड्ढं पक्कमई दिसं ।। १४. विसालिसेहिं सीलेहिं जक्खा उत्तरउत्तरा ।
महासुक्का व दिप्पंता' मन्नता अपुणच्चवं ।। १५. अप्पिया देवकामाणं कामरूवविउव्विणो ।
उड्ढे कप्पेसु चिट्ठति पुव्वा वाससया बहू ।। १६. तत्थ ठिच्चा जहाठाणं जक्खा आउक्खए बुया ।
उति माणुसं जोणि से दसंगेऽभिजायई ।। १७. खेत्तं वत्थु हिरण्णं च पसवो दास-पोरुसं ।
चत्तारि कामखंधाणि तत्थ से उववज्जई ।। १८. मित्तवं नायव होइ उच्चागोए य वण्णवं ।
अप्पायंके महापण्णे अभिजाए जसोबले ।। १६. भोच्चा माणुस्सए भोए अप्पडिरूवे अहाउयं ।
पुव्वं विसुद्धसद्धम्मे केवलं बोहि बुझिया ।। २०. चउरंगं दुलहं मत्ता संजमं पडिवज्जिया । तवसा धूयकम्मंसे सिद्ध हवइ सासए ।।
-त्ति बेमि ।।
१. घयसत्तिव्व (उ); घयसित्तिव्व (ऋ, सु);
घयसित्ते व (ब)। २. चउद्धा संपयं लधु इहेव ताव भायते । तेयते तेजसंपन्ने घयसित्ते व पावए ।।
(नागार्जुनीयाः) । ३. विकिचि (अ, आ); विकिंच (चू); विगिंच
(चूपा)। ४. कम्मणो (उ, ऋ)। ५. जलंता (चू)। ६. नाइवं (उ); नाइव्वं (ऋ) । ७. नच्चा (उ)।
Jain Education International
For Private & Personal Use Only
www.jainelibrary.org
