________________
छट्टमउझयण (महायारकहा)
२१. सव्वत्थुवहिणा बुद्धा संरक्खणपरिग्गहे ।
अवि अप्पणो वि देहम्मि नायरंति ममाइयं ।। २२. अहो निच्चं तवोकम्मं सव्वबुद्धेहि वणियं ।
जाय लज्जासमा वित्ती एगभत्तं च भोयणं ।। २३. संतिमे सुहुमा पाणा तसा अदुव थावरा ।
जाई राओ अपासंतो कहमेसणियं चरे? २४. उदउल्लं बीयसंसत्तं पाणा निवडिया' महि ।
दिया ताई विवज्जेज्जा राओ तत्थ कहं चरे ? २५. एयं च दोसं दळूणं नायपुत्तेण भासियं ।
सव्वाहारं न भुजंति निग्गंथा राइभोयणं ।। २६. पुढविकायं न हिसंति मणसा वयसा कायसा ।
तिविहेण करणजोएण संजया सुसमाहिया ।। २७. पुढविकायं विहिसंतो हिंसई उ तयस्सिए ।
तसे य विविहे पाणे चक्खुसे य अचक्खुसे ॥ २८. तम्हा एयं वियाणित्ता दोसं दुग्गइवड्ढणं ।
पुढविकायसमारंभं जावज्जीवाए वज्जए॥ २६. आउकायं न हिसंति मणसा वयसा कायसा ।
तिविहेण करणजोएण संजया सुसमाहिया ॥ ३०. आउकायं विहिसंतो हिसई उ तयस्सिए ।
तसे य विविहे पाणे चक्खुसे य अचक्खुसे ।। ३१. तम्हा एयं वियाणित्ता दोसं दुग्गइवड्ढणं ।
आउकायसमारंभं जावज्जीवाए वज्जए । ३२. जायतेयं न इच्छंति पावगं जलइत्तए ।
तिक्खमन्नयरं सत्थं सव्वओ वि दुरासयं ॥ ३३. पाईणं पडिणं वा वि उड्ढं अणुदिसामवि ।
अहे दाहिणओ वा वि दहे उत्तरओ वि य ।। ३४. भूयाणमेसमाधाओ हव्ववाहो न संसओ ॥
तं पईवपयावट्ठा' संजया किंचि नारभे ॥ ३५. तम्हा एयं वियाणित्ता दोसं दुग्गइवड्ढणं ।
तेउकायसमारंभ जावज्जीवाए वज्जए । १. सारक्खण (अबू)।
५. मण्णत रा (अचू)। २. जाणि (अचू)।
६. या (हाटी)। ३. सण्णिवयिया (अचू)।
७. वियावट्ठा (अचू)। ४. दिवा (अचू)।
२. अगणिका (क,घ)।
Jain Education International
For Private & Personal Use Only
www.jainelibrary.org
