Page Text
________________
परिसिळं
सिक्खा दुविहा गाहा उववायठिई गई कसाया य । बंधता वेयंता पडिवज्जाइक्कमे पंच ॥१॥ सामाइअंमि उ कए समणो इव सावओ हवइ जम्हा । एएण कारणेणं बहुसो सामाइयं कुज्जा ॥ २॥ सव्वंति भाणिऊणं विरई खलु जस्स सव्विया नत्थि ।
सो सव्वविरइवाई चुक्कइ देसं च सव्वं च ॥ ३ ॥ सामाइयस्स समणोवासएणं इमे पंच अइयारा जाणियन्वा, तं जहा—मणदुप्पणिहाणे वइदुप्पणिहाणे कायदुप्पणिहाणे, सामाइयस्स सइअकरणया, सामाइयस्स अणवट्ठियस्स करणया। देसावगासियव्यय-सुत्तं दिसिव्वयगहियस्स दिसापरिमाणस्स पइदिणं परिमाणकरणं देसावगासियं । देसावगासियस्स समणोवासएणं इमे पंच अइयारा जाणियव्वा, तं जहा-आणवणप्पओगे पेसवणप्पओगे सद्दाणुवाए रूवाणुवाए, बहिया पुग्गलपक्खेवे। पोसहोववास-सुतं पोसहोववासे चउविहे पण्णत्ते, तं जहा -आहारपोसहे सरीरसक्कारपोसहे बंभचेरपोसहे अव्वावारपोसहे। पोसहोववासस्स समणोवासएणं इमे पंच अइयारा जाणियव्वा, तं जहा----अप्पडिले हिय-दुप्पडिलेहिय-सिज्जासंथारए अप्पमज्जिय-दुप्पमज्जिय-सिज्जासंथारए अप्पडिलेहिय-दुप्पडिले हिय-उच्चारपासवणभूमीओ अप्पमज्जिय-दुप्पमज्जिय-उच्चारपासवणभूमीओ पोसहोववासस्स सम्म अणणपालणया। अतिहिसंविभाग-सुत्तं अतिहिसंविभागो नाम नायागयाणं कप्पणिज्जाणं अन्नपाणाईणं दवाणं देसकालसद्धासक्कारकमजुअं पराए भत्तीए आयाणुग्गहबुद्धीए संजयाणं दाणं । अतिहिसंविभागस्स समणोवासएणं इमे पंच अइयारा जाणियव्वा, तं जहा-सच्चित्तनिक्खेवणया सच्चित्तपिहणया कालाइक्कमे परववएसे मच्छरिया य। उवसंहार-सुत्तं इत्थं पुण समणोवासगधम्मे पंचाणुव्वयाई तिन्नि गुणव्वयाइं आवकहियाइं, चत्तारि सिक्खावयाई इत्तरियाई। एयस्स पुणो समणोवासगधम्मस्स मूलवत्थु सम्मत्तं, तं जहा--तं निसग्गेण वा अभिगमेण वा पंच अइयारविसुद्धं अणुव्वय-गुणव्वयाइं च
अभिग्गा अन्नेवि पडिमादओ विसेसकरणजोगा। संलेहणा-सुत्तं
अपच्छिमा मारणंतिया संलेहणाझूसणाराहणया। इमीसे समणोवासएणं इमे पंच अइयारा जाणियव्वा, तं जहा-इहलोगासंसप्पओगे परलोगासंसप्पओगे जीवियासंसप्पओगे मरणासंसप्पओगे कामभोगासंसप्पओगे।
Jain Education International
For Private & Personal Use Only
www.jainelibrary.org
| SR No. | 003556 |
| Book Title | Navsuttani |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 2000 |
| Total Pages | 1316 |
| Language | Prakrit |
| Classification | Book_Devnagari, Agam, & Canon |
| File Size | 29 MB |