________________
आवस्सयं
नमो आयरियाणं' नमो उवज्झायाणं नमो लोए' सव्वसाहूणं। सामाइय-सुत्तं २. करेमि भंते ! सामाइयं-सव्वं सावज्जं जोगं पच्चक्खामि, जावज्जीवाए तिविहं तिविहेणं-मणेणं वायाए काएणं, न करेमि न कारवेमि करतं पि अन्नं न समणुजाणामि, तस्स भंते ! पडिक्कमामि निंदामि गरिहामि अप्पाणं वोसिरामि ।'
१. आइरियाणं (षट्खंडागमः
खंड १, भाग १, पुस्तक १,
पृ०८)। २. चूणो 'लोए' इति पदं नैव
दृश्यते-'णमो सव्वसाहूणं ति संसारत्था गहिया' पृ० ५८७ । हरिभद्रीय-मलयगिरीयवृत्त्योरपि 'लोए' पदस्य व्याख्या नैव दृश्यते ।
३. जस्स सामाणिओ अप्पा, संजमे नियमे तवे । तस्स सामाइयं होइ, इइ केवलिभासियं ॥१॥ जो समो सव्वभूएसु, तसेसु थावरेसु य । तस्स सामाइयं होइ, इइ केवलिभासियं ।।२।। जह मम न पियं दुक्खं, जाणिय एमेव सव्वजीवाणं । न हणइ न हणावइ य, सममणती तेण सो समणो ॥३॥ नत्थि य से कोइ वेसो, पिओ व सव्वेस चेव जीवेसु । एएण होइ समणो, एसो अन्नो वि पज्जाओ ।।४।। उरग-गिरि-जलण-सागर-नहतल-तरुगणसमोय जो होइ । भमर-मिय-धरणि-जलरुह-रवि-पवणसमो य सो समणो॥५।। तो समणो जइ सुमणो, भावेण य जइ न होइ पावमणो । सयणे य जणे य समो, समो य माणावमाणेसु ।।६।।
Jain Education International
For Private & Personal Use Only
www.jainelibrary.org
