________________
उपोद्घात
से किं तं आवस्सयं ? आवस्सयं छव्विहं पण्णत्तं, तं जहा-सामाइयं चउवीसत्थओ वंदणयं पडिक्कमणं काउस्सग्गो पच्चक्खाणं । से तं आवस्सयं ।' आवस्सयस्स णं इमे अत्थाहिगारा भवंति, तं जहा
१. सावज्जजोगविरई २: उक्कित्तणं ३: गुणवओ य पडिवत्ती।
४. खलियस्स निंदणा ५. वणतिगिच्छ ६. गुणधारणा चेव ॥१॥ तस्स णं इमे एगट्ठिया नाणाघोसा नाणावंजणा नामधेज्जा भवंति, तं जहा
आवस्सयं अवस्सकरणिज्ज, धुवनिग्गहो विसोही य । अज्झयणछक्कवग्गो, नाओ आराहणा मग्गो ॥१॥ समणेण सावएण य, अवस्सकायव्वं हवइ जम्हा । अंतो अहोनिसस्स उ, तम्हा आवस्सयं नाम' ॥२॥
१. नंदी० ७५ । २. अणु० ७४ । ३. अणु० २८ ।
Jain Education International
For Private & Personal Use Only
www.jainelibrary.org
