Page Text
________________
७२६
निरयावलियाओ
कणिएण सेणियस्स निग्गह-पदं
६५. तए णं तस्स कूणियस्स कुमारस्स अण्णया कयाइ पुव्वरत्ता वरत्तकालसमयंसि अयमेयारूवे अज्झथिए चितिए पत्थिए मणोगए संकप्पे° समुप्प ज्जित्था-एवं खलु अहं सेणियस्स रण्णो वाघाएणं नो संचाएमि सयमेव रज्जसिरि करेमाणे पालेमाणे विहरित्तए, तं सेयं खलु मम सेणियं रायं नियलबंधणं करेत्ता अप्पाणं महया-महया रायाभिसेएण अभिसिंचावित्तएत्तिकटु एवं संपेहेइ, संपेहेत्ता सेणियस्स रण्णो अंतराणि य छिद्दाणि य विरहाणि य पडिजागरमाणे-पडिजागरमाणे विहरइ ।।
६६. तए णं से कणिए कूमारे सेणियस्स रण्णो अंतरं वा छिदं वा विरहं वा मम्म वा अलभमाणे अण्णया कयाइ कालाईए दस कुमारे सद्दावेइ, सद्दावेत्ता एवं वयासी- एवं खलु देवाणुप्पिया! अम्हे सेणियस्स रण्णो वाघाएणं नो संचाएमो सयमेव रज्जसिरि करेमाणा पालेमाणा विहरित्तए, तं सेयं खलु देवाणु प्पिया ! अम्हं सेणियं रायं नियलबंधणं करेत्ता रज्जं च रठं च बलं च वाहणं च कोसं च कोट्ठागार च जणवदं च एक्कारसभाए विरिचित्ता सयमेव रज्जसिरिं करेमाणाणं पालेभाणाणं विहरित्तए॥
६७. तए णं ते कालाईया दस कुमारा कूणियस्स कुमारस्स एयमठें विणएणं पडिसुणेति ॥
द. तए णं से कणिए कमारे अण्णया कयाइ सेणियस्स रणो अंतरं जाणइ. जाणित्ता सेणियं रायं नियलबंधणं करेइ, करेत्ता अप्पाणं महया-महया रायाभिसेएणं अभिसिंचावेइ ।।
६६. तए णं से कूणिए कुमारे राया जाए .. महयाहिमवंत-महंत-मलय-मंदरमहिंदसारे ॥ चेल्लणाए पडिबोह-पदं
७०. तए णं से कुणिए राया अण्णया कयाइ ण्हाए' •कयबलिकम्मे कयकोउय-मंगलपायच्छित्ते सव्वालंकारविभूसिए" चेल्लणाए देवीए पायवंदए हव्वमागच्छइ ।।
७१. तए णं से कूणिए राया चेल्लणं देवि ओहयमणसंकप्पं जाव' झियायमाणि पासइ, पासित्ता चेल्लणाए देवीए पायग्गहणं करेइ, करेत्ता चेल्लणं देवि एवं वयासी-किं णं अम्मो ! तुम्हं न तुट्ठी वा न ऊसए वा न हरिसे वा न आणंदे वा, जं णं अहं सयमेव रज्जसिरि 'करेमाणे पालेमाणे विहरामि ?॥
७२. तए णं सा चेल्लणा देवी कूणियं रायं एवं वयासी - कहं णं पुत्ता ! ममं तुट्ठी वा ऊसए" वा हरिसे वा आणंदे वा भविस्सइ ? जं णं तुम सेणियं रायं पियं देवयं गुरुजणं अच्चंतनेहाणुरागरत्तं नियलबंधणं करेत्ता अप्पाणं महया-महया रायाभिसेणं अभिसिंचावेसि ?॥
१. सं० पा० ----पुव्वरत्ता जाव समुप्पज्जित्था। २. सं० पा०–अंतरं वा जाव मम्मं । ३. जणवयं (ख)। ४. सं० पा०--हाए जाव सव्वालंकार' । ५. सव्वालंकारभूसिए (क)।
६. उ० १११५ । ७. सं० पा०.-रज्जसिरि जाव विहरामि । ८. ऊसवे (ख)। ६. अभिसिंचावेहि (क,ग)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |