Page Text
________________
पढमं अज्झयणं
७२५
'एयमट्ट विणएणं" पडिसुणेइ, पडिसुणेत्ता तं दारगं अणुपुव्वेणं सारक्खमाणी संगोवेमाणी संवड्ढेइ ॥ सेणिएण पुत्तस्स परिचरिया-पदं
५६. तए णं तस्स दारगस्स एगते उक्कुरुडियाए उज्झिज्जमाणस्स अग्गंगुलिया कुक्कुडिपिच्छएणं' दूमिया वि होत्था, अभिक्खणं-अभिक्खणं पूयं च सोणियं च अभिनिस्सवेइ॥
६०. तए णं से दारए वेयणाभिभूए समाणे महया-महया सद्देणं आरसइ ।
६१. तए णं से सेणिए राया तस्स दारगस्स आरसियसई सोच्चा निराम्म जेणेव से दारए तेणेव उवागच्छइ, उवागच्छित्ता तं दारगं करयलपुडेणं गिण्हइ, गिण्हित्ता तं अग्गं. गुलियं आसयंसि पक्खिवइ, पक्खिवित्ता पूयं च सोणियं च आसएणं आमुसइ। तए णं से दारए निव्वुए निव्वेयणे तुसिणीए संचिट्ठइ ॥
६२. जाहे वि य णं से दारए वेयणाए अभिभूए समाणे महया-महया सद्देणं आरसइ, ताहे वि य णं सेणिए राया जेणेव से दारए तेणेव उवागच्छइ, उवागच्छित्ता तं दारगं करयलपुडेणं गिण्हइ, "गिण्हित्ता तं अग्गंगुलियं आसयंसि पक्खिवइ, पविखवित्ता पूर्य च सोणियं च आसएणं आमुसइ । तए णं से दारए निव्वए' निव्वेयणे तुसिणीए संचिट्रई॥ पुत्तस्स कणिएत्ति नाम-पदं
६३. तए णं तस्स दारगस्स अम्मापियरो 'पढमे दिवसे ठितिपडियं करेंति, वितिए दिवसे जागरियं करेंति, ततिए दिवसे चंदसूरदंसणियं करेंति, एवामेव निवत्ते असुइजायकम्मकरणे संपत्ते बारसाहे" जाव' अयमेयारूवं गुणनिप्फण्णं नामधेज्ज करेंति---जम्हा णं अम्हं इमस्स दारगस्स एगते उक्कुरुडियाए उज्झिज्जमाणस्स अग्गंगुलिया कुक्कुडिपिच्छएणं दूमिया, तं होउ णं अम्हं इमस्स दारगस्स नामधेज्जं --कूणिए-कूणिए। तए णं तस्स दारगस्स अम्मापियरो नामधेज करेंति कुणिए त्ति ॥
६४. 'तए णं से कूणिए कुमारे पंचधाईपरिग्गहिए जाव' उप्पि पासायवरगए" विहरइ११॥
१. विणएणं एयमट्ठ (क,ख,ग)। २. अग्गंगुलियाए (क)।
पाछपण (ख) कुक्कुडापच्छएण (ग)। ४. सं० पा० -तं चेव जाव निव्वेयणे । ५. दंसणं (ग)। ६. तइए दिवसे चंदसूरदंसणियं करेंति जाव
संपत्ते बारसाहदिवसे (क,ख); 'बारसमे दिवसे (ग); एतदर्थं द्रष्टव्यम् --ओवाइय (१४४) सूत्रस्य तथा नाया० (१।१।८१) 'बारसाहे' पदस्य पादटिप्पणम् । ७. ना० १३१२८१ ।
८. °पिछएणं (ख,ग)। ६. ना० १३१२८२-६३ । १०. पू०...ना० ११११६३ । ११. तए णं तस्स कूणियस्स अगुपुवेणं ठिइवडिय
च जहा मेहस्स जाव उप्पि पासायवरगए विहरइ, अट्ठओ दाओ (क,ख,ग)। ६३ सूत्रे प्रतिपादितविषयस्य उपर्युल्लिखितपाठे पुनरावर्तनमस्ति तथा नामकरणानंतरं 'ठिइवडियं' इत्यादिपाठस्य नोपयोगित्वम् । तेनासौ पाठः पाठान्तरत्वेन स्वीकृतः ।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |