Page Text
________________
७२२
निरयावलियाओ
पासइ, पासित्ता एवं वयासी—अण्णया णं ताओ ! तुब्भे ममं पासित्ता हट्ठ' 'तुट्ठ-चित्तमाणंदिया पीइमणा परमसोमणस्सिया हरिसवस-विसप्पमाण हियया भवह, किं णं ताओ ! अज्ज तुब्भे ओहयमणसंकप्पा जाव झियाह' ? तं जइ णं अहं ताओ! एयमदृस्स अरिहे सवणयाए तो णं तुब्भे मम एयमढें जहाभूयमवितहं असंदिद्धं परिकहेह, जहाणं अहं तस्स अट्ठस्स अंतगमणं करेमि ॥
४३. तए णं से सेणिए राया अभयं कुमारं एवं वयासी-नत्थि णं पुत्ता ! से केइ अछे जस्स णं तुमं अणरिहे सवणयाए । एवं खलु पुत्ता ! तव चुल्लमाउयाए चेल्लणाए देवीए तस्स ओरालस्स जाव' महासुमिणस्स तिण्हं मासाणं बहुपडिपुण्णाणं अयमेयारूवे दोहले पाउब्भए-धण्णाओ णं ताओ अम्मयाओ जाव' जाओ णं मम उदरवलिमसेहि सोल्लेहि य जाव' दोहलं विणेति । तए णं सा चेल्लणा देवी तंसि दोहलंसि अविणिज्जमाणंसि सुक्का जाव' झियाइ । तए णं अहं पुत्ता! तस्स दोहलस्स संपत्तिनिमित्तं बहहिं आएहि य उवाएहि य उप्पत्तियाए य वेणइयाए य कम्मियाए य पारिणामियाए य परिणामेमाणे-परिणामेमाणे तस्स दोहलस्स आयं वा उवायं वा ठिई वा अविंदमाणे ओहयमणसंकप्पे जाव झियामि ॥
४४. तए णं से अभए कुमारे सेणियं रायं एवं वयासी-मा णं ताओ! तब्भे ओहयमणसंकप्पा जाव" झियाह । अहं णं तहा घत्तिहामि" जहा णं मम चुल्लमाउयाए चेल्लणाए देवीए तस्स दोहलस्स संपत्ती भविस्सइत्ति कटु सेणियं रायं ताहि इटाहि" •कंताहिं पियाहिं मणुण्णाहिं मणामाहिं ओरालाहिं कल्लाणाहिं सिवाहि धण्णाहिं मंगल्लाहिं मितमहरसस्सिरीयाहि वग्गूहि समासासेइ, समासासेत्ता जेणेव सए गिहे तेणेव उवागच्छइ, उवागच्छित्ता अभिंतरए रहस्सियए ठाणिज्जे पुरिसे सद्दावेइ, सद्दावेत्ता एवं वयासी-गच्छह णं तब्भे देवाणप्पिया! सुणाओ अल्लं मंसं सरुहिरं वत्थिपूडगं च गिण्हह, ममं उवणेह ॥
४५. तए णं ते ठाणिज्जा पुरिसा अभएणं कुमारेणं एवं वुत्ता समाणा हद्वतुट्ठा करयल •परिग्गहियं सिरसावत्तं मत्थए अंजलि कटु एवं सामि ! त्ति आणाए विणएणं वयणं पडिसूणेति', पडिसुणेत्ता अभयस्स कुमारस्स अंतियाओ पडिनिक्खमंति, पडिनिक्खमित्ता जेणेव सूणा तेणेव उवागच्छंति, अल्लं मंसं सरुहिरं वत्थिपुडगं च गिण्हंति, गिण्हिता जेणेव अभए कुमारे तेणेव उवागच्छंति, उवागच्छित्ता करयल परिग्गहियं सिरसावत्तं मत्थए १. अण्णदा (क); अण्णता (ख) ।
६. सं० पा.-..आएहिं जाव ठिइं। २. सं० पा०--हट्ट जाव हियया।
१०. उ० १।१५। ३. झियायह (ख)।
११. उ० १११५ । ४. जा (क)।
१२. झियाअह (ख)। ५. उ० १३३ ।
१३. वत्तिहामि (ख); वत्तिसामि (ग)। ६. उ० श३४ ।
१४. सं० पा०--- इट्टाहि जाव वग्गूहिं । ७. उ० ११३४ ।
१५. सं० पा....करयल जाव पडिसुणेत्ता। ८. उ० ११३५।
१६. सं० पा०---करयल०।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |