Page Text
________________
पढमं अज्झयणं
७२१
सुक्क भुक्खं जाव' झियायमाणि पासित्ता एवं वयासी-किं णं तुम देवाणुप्पिए ! सुक्का भुक्खा जाव झियासि ?॥
३८. तए णं सा चेल्लणा देवी सेणियस्स रण्णो एयमढें नो आढाइ नो परिजाणइ तुसिणीया संचिट्ठइ॥
३६. तए णं से सेणिए राया चेल्लणं देवि दोच्चंपि तच्चपि एवं वयासि-किं णं अहं देवाणुप्पिए ! एयमस्स नो अरिहे सवणयाए, जं णं तुम एयमट्ठ रहस्सीक रेसि?।।
४०. तए णं सा चेल्लणा देवी सेणिएणं रण्णा दोच्चंपि तच्चपि एवं वुत्ता समाणी सेणियं रायं एवं वयासी- नत्थि णं सामी ! से केइ अठे जस्स णं तुब्भे अणरिहा सवणयाए, नो चेव णं इमस्स अट्ठस्स सवणयाए। एवं खलु सामी ! ममं तस्स ओरालस्स जाव' महासुमिणस्स तिण्हं मासाणं बहुपडिपुण्णाणं अयमेयारूवे दोहले पाउब्भूएधण्णाओ णं ताओ अम्मयाओ जाव जाओ णं तुब्भं उयरवलिमसेहिं सोल्लएहि य जाव दोहलं विणेति। तए णं अहं सामी ! तंसि दोहलंसि' अविणिज्जमाणंसि सुक्का भुक्खा जाव झियामि ॥
४१. तए णं से सेणिए राया चेल्लणं देवि एवं वयासी -मा णं तुमं देवाणुप्पिए ! ओहयमणसंकप्पा जाव झियाहि । अहं णं तहा घत्तिहामि" जहा णं तव दोहलस्स संपत्ती भविस्सइत्तिकटु चेल्लणं देवि ताहि इट्टाहिं कंताहि पियाहिं मणुण्णाहिं मणामाहिं ओरालाहिं कल्लाणाहिं सिवाहिंधण्णाहिं मंगल्लाहि मितमहरसस्सिरीयाहिं वग्गृहि समासासेड समासासेत्ता चेल्लणाए देवीए अंतियाओ पडिनिक्खमइ, पडिनिक्खमित्ता जेणेव बाहिरिया उवट्ठाणसाला जेणेव सीहासणे तेणेव उवागच्छइ, उवागच्छित्ता सीहासणवरंसि पुरत्थाभिमुहे निसीयइ, निसीयित्ता तस्स दोहलस्स संपत्तिनिमित्तं बहूहिं 'आएहि य" उवाएहि य उप्पत्तियाए य वेणइयाए य 'कम्मियाए य पारिणामियाए य परिणामेमाणे-परिणामेमाणे तस्स दोहलस्स आयं वा उवायं वा ठिई वा अविंदमाणे ओहयमणसंकप्पे जाव झियाइ॥ दोहद-संपन्नता-पदं
४२. इमं च णं अभए कुमारे पहाए जाव* अप्पमहग्घाभरणालंकियसरीरे सयाओ गिहाओ पडिनिक्खमइ, पडिनिक्खमित्ता जेणेव बाहिरिया उवट्ठाणसाला जेणेव सेणिए राया तेणेव उवागच्छइ, उवागच्छित्ता सेणियं रायं ओहयमणसंकप्पं जाव५ झियायमाणं
१. उ० ११३५ । २. करेहि (क)। ३. उ० ११३३ । ४. उ० ११३४ । ५. उ० ११३४ । ६. दोहलयंसि (क)। ७. अणवणिज्जमाणंसि (क,ख)। ८. उ० ११३५।
६. उ०१।१५। १०. झियासि (ख,ग)। ११. वत्तिहामि (क्व); जत्तिहामि (क्व) । १२. आएहिं (क,ख,ग)। १३. कम्मियाहि य पारिणामियाहि (क)। १४. उ० १११६ । १५. उ०१।१५।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |