Page Text
________________
पढमं अज्झयणं
७२३ अंजलिं कटु तं अल्लं मंसं सरुहिरं वत्थिपुडगं च उवणेति ॥
४६. तए णं से अभए कुमारे तं अल्लं मंसं सरुहिरं अप्पकप्पियं करेइ, करेत्ता जेणेव सेणिए राया तेणेव उवागच्छइ, उवागच्छिता सेणियं रायं रहस्सियगंसि सयणिज्जंसि उत्ताणयं निवज्जावेइ, निवज्जावेत्ता सेणियस्स उयरवलीसु तं अल्लं मंसं सरुहिरं विरवेइ', विरवेत्ता वत्थिपुउएणं वेढेइ, वेढेत्ता सवंतीकरणेणं' करेइ, करेत्ता चेल्लणं देविं उप्पि पासाए उल्लोयणवरगयं ठवावेइ, ठवावेत्ता चेल्लणाए देवीए अहे सपक्खिं सपडिदिसि सेणियं रायं सयणिज्जसि उत्ताणगं निवज्जावेइ, सेणियस्स रण्णो उयरवलिमसाई कप्पणि-कप्पियाई करेइ, करेत्ता सेयभायणंसि पक्खिवइ॥
४७. तए णं से सेणिए राया अलियमुच्छियं करेइ, करेत्ता मुहुत्तंतरेणं अण्णमण्णेण सद्धि संलवमाणे चिट्टइ।
४८. तए णं से अभए कुमारे सेणियस्स रण्णो उयरवलिमसाइं गिण्हेइ, गिण्हेत्ता जेणेव चेल्लणा देवी तेणेव उवागच्छइ, उवागच्छित्ता चेल्लणाए देवीए उवणेइ ।
४६. तए णं सा चेल्लणा देवी सेणियस्स रण्णो तेहिं उयरवलिमसेहिं सोल्लेहि य' 'तलिएहि य भज्जिएहि य सुरं च महं च मेरगं च जाइं च सीधुं च पसण्णं च आसाएमाणी विसाएमाणी परिभाएमाणी परिभुजेमाणी दोहलं विणेइ ॥ गब्भसाडण-चितणा-पदं
५०. तए णं सा चेल्लणा देवी संपुण्णदोहला सम्माणियदोहला' वोच्छिण्णदोहला तं गब्भं सुहंसुहेणं परिवहइ ॥
५१. तए णं तीसे चेल्लणाए देवीए अण्णया कयाइ पुव्वरत्तावरत्तकालसमयंसि अयमेयारूवे 'अज्झथिए चितिए पत्थिए मणोगए संकप्पे° समुप्पज्जित्था—जइ ताव इमेणं दारएणं गब्भगएणं चेव पिउणो 'उयरवलिमसाई खाइयाई", तं सेयं खलु मे एयं गब्भं 'साडित्तए वा पाडित्तए वा गालित्तए'१ वा विद्धंसित्तए वा–एवं संपेहेइ, संपेहेत्ता तं गब्भं बहूहिं गब्भसाडणेहि य गब्भपाडणेहि य गब्भगालणेहि य गब्भविद्धंसणेहि य इच्छइ तं गब्भं साडित्तए वा पाडित्तए वा गालित्तए वा विद्धंसित्तए वा, नो चेव णं से गब्भे सडइ वा पडइ वा गलइ वा विद्धंसइ वा ॥
पुत्तपसव-पदं
५२. तए णं सा चेल्लणा देवी तं गब्भं जाहे नो संचाएइ बहूहिं गब्भसाडणेहि य जाव'२ गब्भविद्धंसणेहि य साडित्तए वा जाव" विद्धंसित्तए वा ताहे संता तंता परितंता १. कप्पणिकप्पियं (क,ख,ग)।
८. सं० पा०-अयमेयारूवे जाव समुप्पज्जित्था । २. रहस्सिगयं (क)।
है. मंसाणि खाइयाणि (ख,ग)। ३. विरचेइ (ख)।
१०. ममं (ख,ग)। ४. वत्थपुडागेण (क)।
११. साडेत्तए वा पाडेत्तए वा गालेत्तए (क)। ५. सवण्णीकरणं (क); सर्वनीकरण (ख)। १२. उ० ११५१। ६. सं० पा०-सोल्लेहि य जाव दोहलं । १३. उ० ११५१ । ७. एवं संमाणियदोहला (क,ख,ग)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |