Page Text
________________
वीसइमं पाहुडं
वा चंदस्स वा सूरस्स वा लेसं 'आवरेत्ता वीतीवयति" तया णं मणुस्सलोए मणुस्सा वदंति-... ‘एवं खलु" राहुणा चंदे वा सूरे वा गहिते--एवं खलु राहुणा चंदे वा सूरे वा गहिते। ता जया णं राहू देवे आगच्छमाणे वा गच्छमाणे वा विउव्वमाणे वा परियारेमाणे वा चंदस्स वा सूरस्स वा लेसं आवरेत्ता पासेणं वीतीवयति तया णं मणुस्सलोयंमि मणुस्सा वदंति-... ‘एवं खलु चंदेण वा सूरेण वा राहुस्स कुच्छी भिण्णा---एवं खलु चंदेण वा सूरेण वा राहुस्स कुच्छी भिण्णा। ता जया णं राहुदेवे आगच्छमाणे वा गच्छमाणे वा विउव्वमाणे वा परियारेमाणे वा चंदस्स वा सूरस्स वा लेसं आवरेत्ता पच्चोसक्कति तया णं मणुस्सलोए मणुस्सा वदंतिएवं खलु राहुणा चंदे वा सूरे वा वंते-एवं खलु राहुणा चंदे वा सूरे वा वंते । ता जया णं राहू देवे आगच्छमाणे वा गच्छमाणे वा विउव्वमाणे वा परियारेमाणे वा चंदस्स वा सुरस्स वा लेसं आवरेत्ता मज्झमज्झेणं वीतीवयति तया णं मणुस्सलोए मणुस्सा वदंति एवं खलु राहुणा चंदे वा सूरे वा वइयरिए...... एवं खलु राहुणा चंदे वा सूरे वा वइयरिए । ता जया णं राह देवे आगच्छमाणे वा गच्छमाणे वा विउव्वमाणे वा परियारेमाणे वा चंदस्स वा सूरस्स वा लेसं आवरेत्ताणं अहे सपक्खिं सपडिदिसि चिट्ठति तया णं मणुस्सलोयंसि मणुस्सा वदंति--एवं खलु राहुणा चंदे वा सूरे वा घत्थे--एवं खलु राहुणा चंदे वा सूरे वा घत्थे ॥ - ३. ता कतिविहे गं राहू पण्णत्ते ? ता दुविहे पण्णत्ते, तं जहा---धुवराहू य पव्वराहू य । तत्थ णं जेसे धुवराहू, से णं बहुलपक्खस्स पाडिवए" पण्णरसतिभागेणं पण्णरसतिभागं चंदस्स लेसं आवरेमाणे-आवरेमाणे चिट्ठति, तं जहा–पढमाए पढमं भागं जाव पण्णरसीए पण्णरसमं भाग, चरमे समए चंदे रत्ते भवइ, अवसेसे समए चंदे रत्ते य विरत्ते य भवति । तमेव सुक्कपक्खे उवदंसेमाणे-उवदंसेमाणे चिट्ठति, तं जहा–पढमाए पढमं भागं जाव पण्णरसीए पण्णरसमं भाग, चरिमे समए चंदे विरत्ते भवति, अवसेसे समए चंदे रत्ते य विरत्ते य भवइ । तत्थ णं जेसे पव्व राहू, से जहण्णेणं छण्हं मासाणं, उक्कोसेणं बायालोसाए मासाण चंदस्स, अडतालीसाए सवच्छराण सुरस्स ।।
४. ता 'कहं ते चंदे ससी-चंदे ससी आहितेति वदेज्जा ? ता चंदस्स णं जोतिसिंदस्स जोतिसरण्णो मियंके विमाणे कंता देवा कंताओ देवीओ कंताई आसण-सयण-खंभभंडमत्तोवगरणाई, अप्पणावि य णं चंदे देवे जोतिसिंदे जोतिसराया सोमे कंते सुभगे पियदंसणे सुरूवे ता ‘एवं खलु चंदे ससी-चंदे ससी आहितेति वदेज्जा ।।
५. ता 'कहं ते" सूरे आदिच्चे-सूरे आदिच्चे आहितेति वदेज्जा ? ता सूरादिया
१. आवरेति (ट,व)। २.४ (क,ग,घ)। ३. ४ (क,ग,घ)। ४. वतिचरिए (ट); वेतिचरिए (व) । ५. पडिवए (ग,घ,ट,व) ।
६. से णं केणठेणं एवं वुच्चइ (ट); से केण
ठेणं एवं वुच्चति (व); भगवत्या
(१२।१२५) मपि एवं विद्यते। ७. से तेणठेणं एवं बुच्चइ (ट,व)। ८. से केणठेणं एवं वुच्चति (ट,व)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |